Сборник тезисов «Ипак ва зираворлар»

Юқорида қилинган ишлар билан бир қаторда ҳали ечимини 
кутаётган бир қатор муаммолар мавжуд. Биз ушбу муаммоларни ҳал 
қилиниши имкониятига қараб қисқа муддатда ва узоқ муддатли 
муаммоларга ажратдик.
Қисқа муддатда ҳал қилиниши лозим бўлган 
1. Нафақат Бухоро вилоятида Республиканинг бошқа ҳудудларида ҳам, 
айниқса йўл бўйида ҳожатхоналар мавжуд эмас. Ушбу муаммонинг ечими 
сифатида ҳар 15-20 км масофада (йўлнинг икки четида шахмат тарзида) 
тадбиркорларга автотеххизмат, савдо шаҳобчаси ёки АЁҚШни қурилиши 
учун ер майдони ажратишда ҳозирги замон ҳамда ДСЭНМ нормаларига тўлиқ 
жавоб берадиган ҳожатхона қурилиши ва буни маълум қилувчи йўл 
белгиларини ўрнатиш мажбурияти юклатиш мумкин. Ушбу ишларни амалга 
оширишда тегишли туман (шаҳар) ҳокимликлари бошчилигида ДСЭНМ ва 
туман архитектура ва қурилиш бошқармаларини масъул қилиб белгилаш лозим. 
2.  Бухорода 
сайёҳлар учун таклиф қилинадиган овқатланиш 
шаҳобчаларининг санитар-гигиеник ҳолати замон талаблари даражасида 
эмас. Ўрганишлар натижасида Бухоро шаҳрида 100 дан ортиқ умумий 
овқатланиш шаҳобчалари мавжуд бўлиб, улардан саноқли қисмигина халқаро 
стандартларга жавоб беради. Ушбу муаммонинг ечими сифатида барча умумий 
овқатланиш шаҳобчаларини хатловдан ўтказиб, кўпчилик ташриф буюрадиган 
умумий овқатланиш шаҳобчаларини ошхона ва ҳожатхоналарини талаб 
даражасига келтириш лозим. Бунда ҳам тегишли туман (шаҳар) ҳокимликлари 
бошчилигида ДСЭНМ ва туман архитектура ва қурилиш бошқармаларини 
масъул қилиб белгилаш ва уушбу ишларнинг назоратини олиб боришлари 
лозим. 
3.  Шаҳарнинг тарихий қисмидаги пиёдалар кўп ҳаркатланадиган 
кўчаларда ахлат тўплаш урналари етарли даражада ўрнатилмаган. Бу 
муаммонинг ечими сифатида “Махсусавтохўжалик” ва шаҳар ободонлаштириш 
бошқарма масъул қилиб белгиланиши лозим. Бундан икки ташкилот ҳам 
хусусан “Махсусавтохўжалик” (чунки ушбу урналарда асосан полиэтилен 
маҳсулотлари чиқиндиси ташалиб, ташкилот қайта ишлаш учун фойдаланади) 
манфаатдор бўлиб ҳисобланади.