Саволномаси умумий хуқуқ сохаси бўйича

Тутинган ота-оналарни танлаш васийлик ва ҳомийлик органлари томонидан амалга оширилади.
Тутинган ота-она тарбияга олинган болага нисбатан васийлик ҳуқуқ ва мажбуриятларига эгадир.


181. Туғилиш, ўлим, никоҳ тузиш, никоҳдан ажралиш - бу... ?
Туғилиш, ўлим, никоҳ тузиш, никоҳдан ажралиш – бу ... фуқаролар ҳаётидаги муҳим воқеалар бўлиб,
Қонун фуқароларнинг шахсий ва мулкий ҳуқуқларини ҳимоялашни ҳамда давлат ва жамият манфаатларини ҳисобга олган ҳолда, фуқаролар ҳаётидаги муҳим воқеалар — туғилиш, никоҳ тузиш, ўлим ва инсоннинг муҳим субъектив ҳуқуқлари ва мажбуриятларининг юзага келиши, ўзгариши ва тўхтатишига сабаб бўладиган бошқа ҳолатларнинг ваколатли органларда қайд этилишини белгилайди.


182. Фуқаролик ҳолати далолатномаларини қайд этиш дафтарларини (яъни д.ё.-далолатнома ёзувларини) сақлаш тартиби қандай?
ОК 204-моддасида Фуқаролик ҳолати далолатномаларини қайд этиш дафтарлари (яъни д.ё.-далолатнома ёзувларини) фуқаролик ҳолати далолатномаларини ёзиш бўлимларининг идоравий архивларида етмиш беш йил сақланади. Ушбу муддат ўтгач, фуқаролик ҳолати далолатномаларини қайд этиш дафтарлари белгиланган тартибда давлат архивларига топширилади.


183. Туғилишни қайд этиш тартиби ва муддатлари ҳақида айтиб беринг?
ОК 205-м. Болаларнинг туғилишини қайд этиш мажбурий бўлиб, болалар туғилган жойдаги ёки ота-онадан бирининг доимий яшаш жойидаги фуқаролик ҳолати далолатномаларини ёзиш органида бир ой муддат ичида амалга оширилиши лозим.
Боланинг ўлик туғилганлиги, тиббий муассасанинг хабарига биноан 24 соат давомида шу муассаса жойлашган ердаги фуқаролик ҳолати далолатномаларини ёзиш органи томонидан қайд этилади.
Боланинг туғилиши унинг туғилганлиги ҳақидаги тиббий маълумотнома, ота-онанинг оилавий ҳолати ва шахсини тасдиқловчи ҳужжатлар асосида қайд этилади.


184. Фуқаролиги бўлмаган шахслар билан никоҳ тузилганлигини қайд этиш тартиби қандай?
ОКнинг 216-моддасига кўра, Ўзбекистон Республикаси фуқароларининг Ўзбекистон Республикаси ҳудудида доимий яшовчи фуқаролиги бўлмаган шахслар билан никоҳ тузганлигини қайд этиш умумий асосларда амалга оширилади.