Саволномаси умумий хуқуқ сохаси бўйича

204. ФҲДЁ бўлимлари ва никоҳ уйларининг фаолияти нечча йилда текширилади?
Агентлик ФҲДЁ органларининг фаолиятини ҳар икки ярим йилда бир марта, унинг ҳудудий бошқармалари эса ҳар йили текшириши лозим. ФҲДЁ органлари томонидан далолатнома ёзувлари бўйича ўзларига ҳисоб берувчи фуқаролар йиғинлари фаолияти бир йилда 1 марта текширилиши лозим.


205. Комплекс давлат хизмати деганда нимани тушунасиз?
Туғилганликни қайд этиш билан боғлиқ комплекс давлат хизматларини кўрсатишга қуйидагилар киради.
-тиббиёт муассасаси ота-она ва бола ҳақидаги барча маълумотларни электрон тиббий маълумотномани шакллантириш учун махсус электрон бланкага киритади ва автоматик равишда ФҲДЁ бўлимига ахборот тизими орқали юборади;
-ФҲДЁ бўлими туғилганлик ҳолатини қайд этади ва бошқа давлат хизматларидан комплекс тарзда фойдаланишни таъминлайди;
туғилганлик ҳақидаги гувоҳномани ариза берувчига тақдим этади;
-Пенсия жамғармаси фарзанд туғилганда бериладиган бир марталик нафақа пулини расмийлаштиради ва хизмат натижаси бўйича ариза берувчига “махсус код” кўрсатилган СМС хабар юборади;
-тиббиёт муассасалари она рўйхатда турган поликлиникага (рўйхатда турмаган тақдирда доимий яшаш манзилидаги поликлиникага) болани рўйхатга қўяди ва ариза берувчига рўйхатга қўйилган поликлиника ҳақида СМС хабар юборади;
-туман (шаҳар) ИИБ болани отаси ёки онасининг доимий яшаш манзили бўйича автоматлаштирилган ахборот тизими орқали рўйхатга қўяди ва ариза берувчига хизмат натижаси бўйича СМС хабар юборади;
-Мактабгача таълим вазирлиги сўровномада кўрсатилган болалар боғчасига – яъни давлат мактабгача таълим муассасасига болани навбатга қўяди ва ариза берувчига хизмат натижаси бўйича СМС хабар юборади.


206. Фуқаролик ҳолати далолатномаларини қайд этишда кимлар давлат божи тўлашдан озод қилинади?
“Давлат божи тўғрисида”ги Қонуннинг 12-моддасига кўра фуқаролик ҳолати далолатномаларини қайд этишда давлат божи тўлашдан қуйидагилар озод қилинади:
1) халқ таълими органлари, вояга етмаганлар ишлари бўйича идоралараро комиссиялар — етим болаларни ва ота-оналар қарамоғидан маҳрум бўлган болаларни болалар муассасаларига ва ўқув юртларига юбориш учун туғилганлик тўғрисида такрорий гувоҳномалар берганлик учун;
2) жисмоний шахслар — туғилиш, ўлим қайд этилганлиги учун, уларга фарзандликка олинган, оталик белгиланган, жинси ўзгартирилган ҳолларида, шунингдек фуқаролик ҳолати далолатномаларини қайд этиш чоғида йўл қўйилган хатолар муносабати билан туғилганлик тўғрисидаги ҳужжатлар ёзувлари ўзгартирилган, тўлдирилган ва тузатилган тақдирда гувоҳномалар берганлик учун;
3) жисмоний шахслар — уларга белгиланган тартибда бедарак йўқолган деб ёки руҳий ҳолатининг бузилганлиги (руҳий касаллиги ёки ақли заифлиги) сабабли муомалага лаёқатсиз деб топилган шахслар ёхуд қилган жиноятлари учун уч йилдан кам бўлмаган муддатга озодликдан маҳрум этишга ҳукм қилинган шахслар билан никоҳни бекор қилиш тўғрисида суднинг ҳал қилув қарори асосида гувоҳномалар берганлик учун;
4) жисмоний шахслар — уларга реабилитация қилинган қариндошларининг вафот этганлиги тўғрисидаги такрорий гувоҳномалар берганлик ёки илгари берилган гувоҳномаларни алмаштирганлик учун;
5) табиий офатлар натижасида жабрланган жисмоний шахслар — уларга такрорий гувоҳномалар берганлик учун.