Savollarga javob 25-variant. Fermer xo’jaliklari yer maydonlarini optimallashirish

---

Savollarga javob 

25-variant. 

1.Fermer xo’jaliklari yer maydonlarini 

optimallashirish. 

Yurtimizda Fermerlik harakatini rivojlantirish natijasida 

mamlakatimizda keyingi yillarda 160 mingdan ortiq fermer xo‘jaliklari 

shakllanib, ular bugungi kunda 10 dan ortiq yo‘nalishlarda samarali 

faoliyat yuritmoqda. Hozirgi kungacha qishloq xo’jaligi yerlaridan 

samarali foydalanishni tashkil etish, yer va suv munosabatlarini samarali 

tashkil etish asosiy muammolardan biri bo’lmoqda. Shu bilan birgalikda 

yerdan unumli foydalanish, eksportbop mahsulotlarni tayyorlash asosiy 

masala bo’lib qolmoqda. Shuning uchun fermer xo’jalik yer 

maydonlarini optimallashtirish bo’yicha Vazirlar Mahkamasining 14-son 

09.01.2019 ‘’ Fermer xo‘jaliklari va boshqa qishloq xo‘jaligi korxonalari 

yer maydonlarini maqbullashtirish hamda qishloq xo‘jaligi ekin 

yerlaridan samarali foydalanishga doir qo‘shimcha chora-tadbirlar 

to‘g‘risida’’ qarori qabul qilindi. Bu qarorga ko’ra, fermer xo’jaliklari 

yerlaridan unumli foydalanish, klaster tizmini tashkil etish, eksprot 

qiluvchi va qayta ishlovchi korxonalarni tashkil etish va jahonda 

raqobatbardosh mahsulotlar tayyorlash belgilangan. Fermer xo‘jaliklari 

va boshqa qishloq xo‘jaligi korxonalari yer maydonlarining konturlari 

kesimida ekinlarni joylashtirish va yerni har bir mahsulotga to’gri 

taqsimlash, mahsulotlar sifatini yaxshilaydi. Tuproq unumdorligini 

oshirish hamda yerlarning meliorativ holatini yaxshilash, yer 

maydonlarini optimallashtirishning asosiy maqsadlaridan biridir. Yerga 

ekin ekayotganganda yerning tuproq sharoiti, suv yo’li va konturlarning 

yaxlitligini hisobga olish, iqtisodiy jihatdan unumdorligi past bog’lar va 

tokzorlar ekin maydonlari tarkibiga qo’shib yuboriladi. Shu bilan bir 

qatorda yerni har bir qishloq xo’jalik korxonalariga to’g’ri taqsimlashni 

tashkil etish yo’lga qo’yildi. Masalan, paxtachilik va g’allachilik uchun 

100 gektar, sabzavotchilik va g’allachilik yo’nalishida 20 gektar,  

bog’dorchilik va uzumchilik yo’nalishida 10 gektar, sabzavotchilik va 

polizchilik uchun 5 gektar eng kam miqdor qilib belgilandi. Xulosa qilib 

aytganda, fermer xo’jalik yerlarini optimallashtirish, tuproqni 

---

sho’rlanishini oldini olish, yerlarni unumdorligini oshirish, mahsulotlar 

hajmini oshirish va ularning sifatini yaxshilash. Shuningdek, fermer 

xo’jaliklari faoliyatini unumli tashkil etish , klaster tizimi orqali qishloq 

xo’jalik mahsulotlarini qayta ishlovchi korxonalar sonini ko’paytirish, 

yerning meliorativ holatini yaxshilashni nazarda tutadi.