Саволлар жавоблари

Xulosa o`rnida, yuqoridagi vaziyat bo`yicha B davlatning shartnoma matni yuzasidan e’tirozlari asossizdir. Bunga asos qilib, 1969-yilgi “Xalqaro shartnomalar huquqi to`g`risida” Vena Konvensiyasining
27-moddasidagi Shartnomada tuzuvchi taraflar yoki ulardan biri majburiyatlarni bajarmaslik uchun o`z ichki qoidalarini ko`rsATISHI mumkin emasligi ta’kidlangan bo`lib, bunda bir taraflama e’tiroziga o`rin yoqligini ko`ramiz. Qolgan davlatlar B davlat ustidan asosiz e’tiroz bildirgan bo`lib, ular B davlatdan Pacto sunt servanda ya’ni majburiyatlarni vijdonan bajarishini talab qilishga haqlidir.


Казус 23
А давлати маъмурий ҳудудий бирлиги бўлган Б давлати бир томонлама мустақиллигини эълон қилди. Б давлати на халқаро ҳукуматлараро ташкилотлар, на бошқа давлатлар томонидан тан олинмаган.
А давлати Бирлашган миллатлар ташкилоти ва Халқаро меҳнат ташкилотининг аъзоси бўлган ҳолда, айни пайтда Бирлашган миллатлар ташкилоти Хавфсизлик кенгашининг аъзоси ҳисобланади. Шу туфайли Б давлати Бирлашган миллатлар ташкилотига аъзо бўлмаган ҳолда унинг ихтисослаштирилган муассасаси – Халқаро меҳнат ташкилотига аъзоликка қабул қилиш юзасидан мурожаат этди.
Б давлати ўз мурожаатига қўшимча сифатида муқаддам А давлати томонидан ратификация қилинган Халқаро меҳнат ташкилотининг 24 та конвенцияси, шу жумладан ратификация учун ёпилган конвенцияларни ҳам ратификация қилмоқчи эканлигини маълум қилди.
Савол: Мазкур ҳолатга халқаро ҳуқуқий баҳо беринг. Мазкур ҳолатда Халқаро меҳнат ташкилоти кўриши мумкин бўлган чораларни кўрсатинг.
БМТ 4-модда
1. Ушбу Низомда назарда тутилган мажбуриятларни ўз зиммасига оладиган ва, Ташкилотнинг фикрича, шу мажбуриятларни бажара оладиган ва бажаришни истайдиган барча тинчликсевар давлатлар Ташкилотга Аъзо бўла оладилар.
2. Ҳар қандай давлатни Ташкилот Аъзолигига қабул қилиш Хавфсизлик Кенгашининг тавсиясига мувофиқ, Бош Ассамблея қарори билан амалга оширилади.
102-модда
1. Ушбу Низом кучга кирганидан кейин Ташкилотнинг ҳар қандай Аъзоси билан тузилган ҳар қанақа шартнома ва ҳар қандай халқаро битим биринчи имконият бўлган ҳамоно Котибият томонидан қайд қилиниши ва чоп этилиши лозим.
2. Ушбу модданинг 1-бандига мувофиқ қайд қилинмаган ҳар қандай шартнома ёки халқаро битимда қатнашувчи томонлардан ҳеч бири Бирлашган Миллатлар Ташкилотининг органларидан бирортасига шундай шартнома ёки битимни асос қилиб кўрсата олмайди.