Savol: ushbu inson kimligini yozib bering. Javob

1-tur

1. 1938-yil qish kunlarining birida Abdug‘ani akaning oilasida o‘g‘il farzand dunyoga keladi. Oradan yillar o‘tib bu inson yuksak martabaga erishdi va ko‘plab ishlari qatorida yurtimizda ISLOM dinining rivoji uchun katta hissa qo‘shgan.

Savol: USHBU inson kimligini yozib bering.
Javob: Islom Karimov.
Izoh: O‘zbekistonning birinchi prezidenti Islom Abdug‘aniyevich Karimov 1938-yil 30-yanvarda tavallud topganlar. Savol matnidagi ISLOM dini so‘zlari ham jamoalarni javobga yaqinlashtirishi kerak edi.

2. Alisher Navoiy hazratlari o‘z chistonlaridan birida uni faqat 1 ta bargi va tekis tanasi bor daraxtga o‘xshatadilar. Shuningdek, yorug‘lik ulashib o‘zi halok bo‘lishini go‘zal o‘xshatish qilib keltiradilar.

Savol: Bu chistonda Alisher Navoiy hazratlari nimaga ta’rif berganlar?
Javob: Shamga.

3. Xalqimizda o‘zining yoqimli ovozi bilan ajralib turadigan san’atkorlarni USHBU qushga solishtirishadi. Xans Kristian Andersenning ertagida USHBU qush imperatorni o‘lim to‘shagidan qutqargan.

Savol: USHBU qushni yozib bering.
Javob: Bulbul.
Izoh: Xalqimiz orasida “Bulbulni sayrashidek” iborasi yoqimli ovozga nisbatan ishlatiladi. Andersenning bulbul hikoyasida bulbulning yoqimli sayrashi sabab imperator tuzalib ketadi.

4. Bir hazil sur’atda shifokor qabuliga X va Y kelgani tasvirlangan. Xonadagi shifokor esa ularga qarab “Xo‘sh, qaysi biringiz birinchi”, deb savol beradi. X va Y mashhur bahsning ishtirokchilari hisoblanadi.

Savol: Siz menga X va Y o‘rnidagi so‘zlarni yozib bering.
Javob: Tovuq va tuxum.
Izoh: “Tovuq avval paydo bo‘lganmi yoki tuxum” deb beriladigan savolni eshitgan bo‘lsangiz kerak. Rasmda shifokor ham ulardan qaysi biri birinchi ekanligini so‘rayotgani tasvirlangan.

5. Bir necha yil oldin alpinist Kilian Jornetga BU ISHni bajarishi uchun 26 soat vaqt yetarli bo‘lgan. Vatandoshimiz Rustam Rajabov 1998-yilda BU ISHni uddalagan ilk o‘zbek alpinistiga aylandi.