Savol: u nima? Javob

1-tur

1. O‘rta asrlarda Yaponiyada baliqlar juda ko‘p miqdorda tutilgan. Lekin transport tizimi hali yaxshi rivojlanmagan edi. Shuning uchun Yapon dengizi qirg‘oqlarida baliqni qayta ishlash uchun kerak bo‘lgan Uni tayyorlovchi ko‘plab joylar bo‘lgan.

Savol: U nima?
Javob: Tuz.
Izoh: Baliqlarni bozorga olib borishga ko‘p vaqt talab qilingan, shuning uchun baliqlarni tuzlashgan.

2. Rossiyalik journalist Vsevolod Ovchinnikovning yozishicha, Xitoyda tug‘ilgan kunga bolalar o‘yinchog‘i sovg‘a qilishadi. Bu tug‘ilgan kunda inson yangi hayotining bir yilini yashab o‘tgan deb hisoblanadi.

Savol: Birinchi gapdagi tushirib qoldirilgan ikkita so‘zni yozib bering.
Javob: Oltmish birinchi.
Izoh: Xitoyliklar kalendarida 60 yil davr - gan-chji va 5 ta element (daraxt, olov, yer, metall, suv) – u-sin tizimi katta ahamiyatga ega. Ushbu 60 yillik davr “hayot” deb ataladi, shuning uchun 60 yildan keyin yangi hayot boshlanadi deb hisoblanadi.

3. Rim aristokratlari soatlab unda yotishgan, shuning uchun ba’zida uni zanjirga osib qo‘yishgan.

Savol: Uni ayting.
Javob: Vanna.
Izoh: Vannalar bronzadan yasalgan. Zanjirga osilgan vanna tagiga olov yoqib suvni sovuyotganda isitishgan.

4. Yaqinda Buyuk Britaniyada inglizlar oxirigacha oʻqiy olmaydigan asarlar roʻyxati eʼlon qilingan. Ro‘yxatga Joan Rouling “Garri Potter va Olov Kubogi”, Jeyms Joys “Uliss”, Paulo Koeloning “Alkimyogar” asari va yana rus adabiyotining ikkita klassik asari ham kiritilgan. Bulardan birinchisi, Dostoyevskiyning “Jinoyat va Jazo” asari boʻlsa, ikkinchisi, Dostoyevskiyning zamondoshi boʻlgan yozuvchining asar edi.

Savol: Oʻsha asarni yozib bering.
Javob: Urush va tinchlik
Izoh: Oramizda ham koʻpchilik “Urush va tinchlik” asarini oʻqib tugatmagan boʻlsa kerak.

5. Arablar tomonidan ishlangan bir filmda bolalarga uni quyidagicha tasvirlab berilganini ko‘rishimiz mumkin: “U oppoq qushdek yengil boʻlishi bilan birgalikda, oyoqni olov kabi yondiradi ham”.