Savodxonlik bayrami

( bolalar Alifbo qo’shig’i ostida davraga kirib keladilar)
2.Boshlovchi: Tadbirimizni o’chib berish uchun davramizga Maktabimiz direktori Farmon Jamolov ni taklif etamiz. Marhamat.
1 – boshlovchi Bugun bizning maktabda
Juda katta tantana
Bilimini namoyish
Qiladi har bir bola

2– boshlovchi Ustozlarning o’gitin
Dilimizga joylaylik
Dilda xayajon bilan
Bayramimiz boshladik

Bolalar: - Assalomu alaykum!
Xush kelibsiz mehmonlar!
“Assalom alaykum “ qo’shig’i
1 – boshlovchi (bolalarga qarata)
Mustaqil yurtimizning
Kelajagi bolalar
Ona Vatan bag’rida
Baxtin topgan bolalar.

2 – boshlovchi Ona yerda muhabbat
Yosh avlodning dilida
Madhiyamiz yangraydi
Bolalarning tilida

(Bolalar xor bo’lib madhiya aytadilar)


1-Boshlovchi: Bugun katta tantana
Savodxonlik bayrami
Doim bo’lsin an’ana
Bilimdonlik bayrami.
2-Boshlovchi: Bolalarning ko’zida
O’ynar quvonch, hayajon
Savodxonlik muborak,
Ko’zlar nuri, bolajon.
1-Boshlovchi: Bu bolajonlarimizni bir necha oylar avval qadrli ustozlari qo’llaridan tutib “Bilimlar mamlakati” ga olib kirgan edi. Qani ko’raylikchi bolajonlar qanday bilimlarni egallashibdi?
1-Boshlovchi: Bugun bayram sabablari,
Bilimlar poydevori.
Ma’noli,shirin so’zli,
Qani,Alifbe o’zi?
Bolalar: Alifbejon,kel,tezroq,
Do’stlaring senga mushtoq!