Savod o`rgatishda quyidagi

《Yozuv daftar》M.G‘ulomov. Qayta ishlangan 18-nashri. Toshkent - 《O‘qituvchi》Nashriyot matbaa ijodiy uyi - 2020
Bu daftarda avvalgilardan farqli o‘laroq bir qancha yangiliklar kiritilgan. Daftarda suratlar, 1- sahifada qo‘lni yozuvga tayyorlash jarayoni, sahifalarni yorqinligi bu o‘quvchilar qiziqishini yanada oshiradi, har yangi o‘rganilayotgan harflarga mos predmetli suratlar, daftar oxirida namunaga qarab yozish, she‘r va matn berilganligi, alifboni yozma shaklda yozing kabi topshiriqlar, tutuq belgili so‘zlarning yozilishi va ularni takroriy mashq sifatida berilishi, partada to‘g‘ri o‘tirish va ruchkani to‘g‘ri ushlash ko‘rsatmalari suratda berilgani, harflarni bo‘g‘inlab yozilgan namunalari, harflarni yozishdagi ko‘rsatmalar ( ayrim harflarni yuqoridan, ayrimlarini pastdan boshlab yozilishi ) singari yangilaklar kiritilgan. Bu yozuv daftari bundan avvalgisi ( Qayta ishlangan 16-nashri ) ga o‘xshab ketadi ammo yuqoridagi kiritilgan yangiliklari bilan farqlanadi.
Bu Yozuv daftarida ta’lim beruvchi, o‘rganuvchi-tekshiruvchi va tekshiruvchi mashqlar berilgan. Bu mashqlar bilan ishlash jarayonida lug‘at ustida ishlash, to‘g‘ri tajaffuz, og‘zaki suhbat, gap va so‘z tahlili, so‘z yoki bo‘g‘indagi yozilishi o‘rganiladigan harfni ajratish, bo‘g‘inlarni biriktirish, tuzilgan so‘zlarni o‘qish va yozish kabi ish turlaridan foydalanishga yordam beradi. Daftarning yuqori qismida predmet rasmi, ayrim predmet nomlarini ifodalovchi so‘z chizmasi katakchalarga ajratib berilganligi, gap nusxalarining keltirilganligini ko‘rishimiz mumkin.Bunda o‘quvchilar berilgan gap yoki so‘z chizmasini o‘zlari mustaqil tasvirlashga harakat qiladilar. Mazmunli rasm asosida gap tuzishga yordam beradi. Harflarning yozma shakli ularning bosma shakli bilan taqqoslash orqali tanishtirilgan. Yozuv daftarida tinish belgilar qo‘llanilgan. Ular shu belgi uchragan o‘rinlarda o‘qituvchi yordamida tanishtirib boriladi.