Сарвиноз Йўлдошева, Низомий номидаги тдпу термиз филиали Педагогика факультети талабаси

Кўк қуёши сенга парвона,
Нурлар сочар шодон хандона.
Пахта, ғалла, мевага она,
Саловатинг, улуғ Ватаним,
Саховатинг, қутлуғ Ватаним...
Маърифатни таратган, диёр,
Адолатни таратган, диёр,
Халқ бахтини яратган диёр
Ўзбекистон улуғ Ватаним,
Истиқлолинг қутлуғ Ватаним.
Шоир “Истиқлол ёшлари” шеърида ҳозирги кунда ёшларга бўлган эътибор, аждодларга муносиб фарзанд бўлиш, мустақилликнинг қадрига етиш, ватанни қўриқлаш каби ғоялар илгари сурилган.
“Ёшлар йили” Давлат дастури ҳар чоқ,
Сергак, хушёрликка чорлайди сизни.
Замон тахликали хатарга қарши,
Сақланглар, сақланглар мавқеимизни.
Аждодлар ҳикмати табаррук мерос,
Онгларда яшасин мангу истиқлол.
Адолат ҳукмрон, равшан истиқбол,
Тонгларда яшасин мангу Истиқлол.
Темурбек бобомиз руҳи мададкор,
Ўзбекистон озод, серқуёш кўркам.
Бағри кенг ўзбекнинг жасур ёшлари,
Ватанни ардоқлаб ташлангиз қадам.
Устознинг шеърлари болалар руҳиятига мос, енгил, тез ёдда қолади. Агар мусиқа ёзилса, яхшигина қўшиқ бўлиши мумкин. Шуни айтиш жоизки, шоирнинг “Дадажоним келади”, “Уч оғайни - уч ўғлон” (Ф.Назаров мусиқаси), “Бобожон” (С.Қурбонов мусиқаси), “Термиз оқшоми” (Х.Шамсиддинов мусиқаси) шеърий матнлари қўшиқ бўлган.
Сурхон замининг оташқалб фарзанди, жонкуяр устоз, болажонларнинг севимли шоири Болтажон Содиқов 2017 йилнинг декабрь ойида бу дунёни тарк этди. Аммо унинг номи ёзган шеърларида, шогирдлари хотирасида мангу яшайди.