«сарайшық» мемлекеттік тарихи-мәдени музей-қорығы атырау облысы білім беру басқармасының Әдістемелік орталығЫ

Қарашығанақ 
- елді мекен. Бұрын «Новобогат» кеңшарында ферма 
орталығы болды. Қазір азғана үй тұрады. 
Қызылүй - 
елді мекен. Нарын құмының жиегінде, аудан орталығы – 
Аққыстау селосынан солтүстік шығысқа қарай 40 км жерде орналасқан. Қызыл 
үй атауы XIX ғасырдың 60-шы жылдары жергілікті патша әкімшілігінің 
жарлығына сәйкес старшындардың қызыл саздан балшық илетіп, тастан қызыл 
кеңселер тұрғызу үрдісінен шыққан. Солардың бірі- Қызылүй. 1957жылдан 
Чапаев атындағы кеңшардың №2 қой фермасының орталығы болды. 
Қаратүбек 
-Аққыстау селосының оңтүстік-шығыс жағындағы елді мекен. 
Ертеректе Қаратүбек өр суының кері кеткен кезінде құрғап шөп қалың өсетін 
арал-түбек болған. Адамдар түбекке жеркене-қыстаулар салып, мал қалың 
шөптің арқасында қорасыз қыстап шыға берген. Қаратүбектің жанымен Боқсақ 
(Бақсай) каналының тарамдары өтеді. 
Манаш 
- елді мекен. XIX ғасырдың ортасында Каспий теңізінің 
атырабында орыс көпестерінің балық кәсіпшіліктерінің орталығы ретінде пайда 
болған. Қазан революциясынан кейін артельдер, серіктестіктерін құру, 
ұжымдастыру ісі ойдағыдай өрбіді. «Қызыл балық» ұжымшарының орталығы 
болды. Мектеп және тағы басқа әлеуметтік нысандар салынды. Манаштан қоғам 
қайраткерлері, көрнекті ғаламдар шыққан. 1957 жылы Новобогат ауданының 
балық ұжымшарлар Жайық бойына көшірілген кезде Манаш тұрғындары ауыл 
шаруашылығымен айналысты. Іргесінен «Атырау-Астрахань» автомобиль жолы 
өтеді. 

---

58 
Маралтөбе 
– Новобогат селолық округіне қарасты. Ауқайран учаскесіндегі 
ақтікен жалды найза төбе. Осы жерде ертеде Беріш-Бегіс руының белгілі адамы 
Берді иеленген. Берді дүниеден өткеннен кейін бұл ауыл Марал ауылы аталып 
кеткен. Марал қазақ халқының айтулы батырларының бірі Беріш Құлбарақтың 
қарындасы. Батырдың қадір-қасиеті қарындасына да дариды. Марал қайтыс 
болғанда оны ел жұрты құрметтеп, өзін жеке дара осы төбенің басына жерлейді.