Sanoat xavfsizligi sohasidagi ekspert tashkilotlarini akkreditatsiya qilish va ular faoliyati ustidan inspektsiya nazoratini o’tkazish Reja

Akkreditatsiya qilish va inspektsiya nazoratini amalga oshirish bo’yicha komissiya (keyingi o’rinlarda Akkreditatsiya komissiyasi deb yuritiladi) — ekspert tashkilotlarini akkreditatsiya qilish va ular faoliyati ustidan inspektsiya nazoratini amalga oshirish natijalari bo’yicha qaror qabul qilish uchun O’zbekiston Respublikasi Vazirlar Mahkamasi huzuridagi Yer qa’rini geologik o’rganish, sanoatda, konchilikda va kommunal-maishiy sektorda ishlarning bexatar olib borilishini nazorat qilish Davlat inspektsiyasi (keyingi o’rinlarda «Sanoatgeokontexnazorat» davlat inspektsiyasi deb yuritiladi) tomonidan tashkil etiladigan komissiya;
akkreditatsiya sohasi — ekspert tashkilotining faoliyat sohasi;
baholash — muayyan akkreditatsiya sohasi bo’yicha ekspert tashkiloti faoliyatini ekspert tashkilotlari faoliyatiga qo’yiladigan talablarga muvofiqligini tekshirish maqsadida vakolatli organ tomonidan tashkil etiladigan jarayon;
buyurtmachi — akkreditatsiyadan o’tish uchun yoki sanoat xavfsizligi ekspertizasini amalga oshirishga ariza bilan murojaat qilgan tashkilot;
inspektsiya nazorati — akkreditatsiya qilingan ekspert tashkiloti faoliyatini ekspert tashkilotlari faoliyatiga qo’yiladigan talablarga muvofiqligini qayta baholash jarayoni;
sanoat xavfsizligi sohasidagi ekspert (keyingi o’rinlarda ekspert deb yuritiladi) — sanoat xavfsizligi ekspertizasini amalga oshiradigan, belgilangan tartibda attestatsiyadan o’tkazilgan mutaxassis;
sanoat xavfsizligi ekspertizasi (keyingi o’rinlarda ekspertiza deb yuritiladi) — ekspertiza ob’ektining unga qo’yiladigan sanoat xavfsizligi talablariga muvofiqligini baholash;
sifat bo’yicha qo’llanma — ekspert tashkilotining sifatni boshqarish tizimini ta’riflovchi va sifat sohasidagi siyosatini bayon qiluvchi hujjat;
sifatni boshqarish tizimi — sifat standartlariga muvofiq, sifat bo’yicha ma’muriy boshqarish uchun zarur bo’lgan tashkiliy tuzilma, hujjatlar, jarayonlar va zaxiralar majmui;