Sanoat o’quv” Нодавлат таълим муассасаси

Курс ҳажми
Малака ошириш курси 18 соатни ташкил этади. Ўқув юкламасининг энг юқори ҳажми кунига 6 соат этиб белгиланади. Малака ошириш йўналиши бўйича таълим дастурларни тўлиқ ўзлаштирган ва якуний назоратдан муваффақиятли ўтган курс тингловчиларига “SANOAT O’QUV” НТМ қошидаги Ўқув амалий комбинати, Ўзбекистон Республикаси Вазирлар Маҳкамасининг 2017 йил 27 апрелдаги “Меҳнатни муҳофаза қилиш соҳасидаги хизматлар бозорини янада ривожлантириш тўғрисида”ги 246-сонли қарори билан тасдиқланган Меҳнатни муҳофаза қилиш соҳасида малака ошириш ва қайта тайёрлаш тартиби тўғрисидаги Низомнинг 2-иловасида келтирилган давлат намунасидаги Сертификат берилади.


Малака ошириш курсининг ўқув модуллари ва уларнинг мазмуни


I. Умумий тайёргарлик
1.1. Ўзбекистон Республикаси “Меҳнат кодекси”.
Ўзбекистон Республикасида меҳнатни муҳофаза қилишнинг меъёрий-ҳуқуқий асослари (4 соат).
1.1.1. Ўзбекистон Республикасининг “Меҳнатни муҳофаза қилиш тўғрисида”ги Қонуни (янги таҳрири) (4 соат).
1.1.2. Ўзбекистон Республикасининг “Хавфли ишлаб чиқариш объектларининг саноат хавфсизлиги тўғрисида”ги Қонуни (4 соат).
1.1.3. Ўзбекистон Республикасининг “Электр энергетикаси тўғрисида”ги Қонуни (4 соат).
1.1.4. Ўзбекистон Республикасининг «Ёнғин хавфсизлиги тўғрисида»ги Қонуни (4 соат).
“Меҳнат муҳофаза қилиш тўғрисида”ги Қонуннинг мақсади, амал қилиш соҳаси. Меҳнатни муҳофаза қилиш соҳасидаги давлат сиёсатининг асосий йўналишлари. Меҳнатни муҳофаза қилишни давлат томонидан бошқариш. Ўзбекистон Республикаси Вазирлар Маҳкамасининг меҳнатни муҳофаза қилиш соҳасидаги ваколатлари. Меҳнатни муҳофаза қилиш соҳасидаги хизматлар бозорининг профессионал иштирокчилари. Ходимнинг ҳамда иш берувчининг меҳнатни муҳофаза қилиш соҳасидаги ҳуқуқлари ва мажбуриятлари.
Жамоа шартномалари ва келишувларининг тушунчаси ва мақсади. Жамоа шартномалари ва келишувлари тузишнинг асосий принциплари. Жамоа шартномасини тузиш зарурлиги ҳақида қарор қабул қилиш. Жамоа шартномасининг амал қилиш доираси. Жамоа келишувларининг турлари. Бош келишув. Тармоқ келишувлари. Ҳудудий (минтақавий) келишувлар.
Меҳнат шартномасининг тушунчаси ва тарафлари. Меҳнат шартномасини тузиш. Меҳнат шартномасини ўзгартириш. Меҳнат шартномасининг бекор қилиниши. Иш вақти тушунчаси. Иш вақтининг нормал муддати. Ноқулай меҳнат шароитларидаги ишларда банд бўлган ходимлар учун иш вақтининг қисқартирилган муддати. Дам олиш вақти тушунчаси. Кундалик дам олиш вақтининг муддати. Дам олиш кунларида ишга жалб этишнинг чекланиши.
Меҳнатни муҳофаза қилиш талаблари. Ходимнинг меҳнатни муҳофаза қилиш ҳақида маълумот олиш ҳуқуқи. Тиббий кўрик. Соғлиғи ҳолатига кўра енгилроқ ёки ноқулай ишлаб чиқариш омилларининг таъсиридан ҳоли бўлган ишга ўтказиш. Аёлларга ва оилавий вазифаларни бажариш билан машғул шахсларга бериладиган қўшимча кафолатлар. Ёшлар учун қўшимча кафолатлар. Ишни таълим билан бирга қўшиб олиб бораётган шахслар учун имтиёзлар.