Sanoat ishlab chiqarishni tashkil etish

Franko Rajkoviya “Iqtisodiyot” kompaniyasining bosh direktori

Siz kompaniyangiz oylik maosh darajasini qay tarzda belgilaysiz? Bizning kompaniyamizda ishchi kuchi manbai to’g’risida, har bir ishchining vazifalari, oylik maoshini belgilash buyicha metodologiya, ishchilarni ishlash sharoiti to’g’risida to’liq yozilgan siyosatimiz bor. Kompaniyamizda boshqaruvchilik shartnomalarini tuzgan qator ishchilar faoliyat yuritishadi. Bu esa ularning maoshlari bajargan ishlariga qarab to’lanadi deganidir. Oylik maoshdan ishchilaringizni rag’batlanti-rishda qanday foydalanasiz? Bir tarafdan, yuqorida ta’kidlab o’tganimdek, kompaniyamizning yozma siyosati mavjud va bu siyosat oylik maoshni belgilaydi. Lekin bu jarayonga ta’sir qiladigan boshqa omillar ham mavjud. Masalan, kompaniyaning oylik sotuvlar rejasi. Agar bu reja ortig’i bilan bajarilsa oylik maosh ham yuqori bo’ladi, buning aksi bo’lsa oylik maosh ham kamroq bo’ladi. Oylik maosh biz uchun muammo emas, o’ylaymanki biz oylik maosh borasidagi barcha potentsial talablarga, mavjud va yangi ishchilar uchun qulay shart-sharoitlar tashkil qilishga erishdik. Ammo, bularning barchasini inobatga olgan holda qonunlashtirilishi, kompaniyaning rivojlanishiga qay darajada hissa qo’shayotganligi va kompaniya ularning ishidan qanday foyda ko’rayotganini tushintirib berilishi lozim.

Xodimlar byudjeti to’g’risida o’ylash

Eng yaxshi sharoitda ham, biznesdagi xarajatlaringiz va daromadingizni umumlashtirishga ozgina bo’lsada vaqt sarf qilasiz. Bu borada sizning birinchi vazifangiz shaxsiy byudjetingiz samaradorligini oshirishdir. Bu o’zingizning yashashingiz uchun kerak bo’ladigan mablag’dir. Eng avvalo har oyda ijara, kiyim —kechak, turli ko’ngil ochish va dam olish, oziq-ovqat, yoqilg’i va boshqalarga ketadigan sarf-xarajatlar to’g’risida o’ylang. Quyida keltirilgan jadvaldan foydalangan holda keyingi 12 oy davomida rejalashtirilgan sarf xarajatlaringizni kiriting. SHundan so’ng har bir ustundagi sonlarni qo’shib chiqing va 12 oy davomida yashashingiz uchun kerakli bo’lgan mablar to’g’risidagi ma’lumotga ega bo’lasiz. So’ngra biznesingizdan tashqar topadigan mablag’larni hisoblang. Bu mablag’ni umumiy byudjetingizdan ayirib tashlang va Siz minimal yashash uchun sarf bo’ladigan mablag’ to’g’risidagi ma’lumotga ega bo’lasiz.