Sanoat ishlab chiqarishini tashkil etish

Tanlov komissiyasi quyidagi funksiyalarni amalga oshiradi:

1. 
   O’zining ish tartibini belgilaydi;
   
2. 
   Miqdori tanlov hujjatlarida qayd etilgan tanlov shartlariga bog’liq bo’lgan tanlov savdolarida qatnashishga buyurtmanomalarni ta’minlash shaklini tasdiqlaydi;
   
3. 
   Ofertani qabul qilishning oxirgi kuni va vaqtini, konvertlarni ochish vaqti va joyini belgilaydi;
   
4. 
   Talabgorning malakasini oldindan aniqlaydi, agar u tanlov hujjatlarida nazarda tutilgan bo’lsa;
   
5. 
   Tegishli ravishda rasmiylashtirgan holda tanlov savdolarini o’tkazish tartibqoidalarini amalga oshiradi;
   
6. 
   Ichida ofertalar bo’lgan konvertlarni ochadi, ularning tanlov hujjatlarida belgilangan talablarga muvofiqligini tekshiradi (hujjatlarning to’liq taqdim etilishi, rasmiylashtirish va hokazolar) va konvertlarni ochish to’g’risidagi protokolni tasdiqlaydi;
   
7. 
   Mustaqil ekspertlarni (maslahatchilarni) jalb etish zarurligini belgilaydi yoki tanlov komissiyasi a’zolari orasidan baholash guruhini tuzadi;
   
8. 
   Tanlov hujjatlarida ko’rsatilgan mezonlarga muvofiq ofertalarni o’rganadi, tekshiradi va ko’rib chiqadi, tanlov savdolari g’olibini aniqlaydi yoki boshqa qaror qabul qiladi;
   
9. 
   Tanlov savdolarini o’tkazish jarayonida paydo bo’ladigan nizolar va kelishmovchiliklarni ko’rib chiqadi va tartibga soladi hamda ular bo’yicha tegishli xulosalar chiqaradi.
   

Mustaqil o’zlashtirish va nazorat uchun savollar:

1. 
   Investitsiya loyihalarini boshqarishda loyihaning ishlab chiqarish rejasining ahamiyati nimada?
   
2. 
   Investitsiya loyihalarining ishlab chiqarish rejasi nimalarni o’z ichiga oladi?
   
3. 
   Investitsiya loyihalari umumiy xarajatlari tarkibiga nimalar kiradi?
   
4. 
   Loyihada resurs va mahsulotga bo’lgan talablar qanday aniqlanadi?
   

5. Investitsiya loyihalari qurilishning smeta qiymati ishlab chiqilishi tartibini aytib bering.