Sanoat ishlab chiqarishini tashkil etish

Bankrotlik riski – tadbirkor tomonidan xususiy kapitalini butkul yo’qotish
xavfi bilan bog’liq risklar.
Balans foyda – mahsulot tannarxiga kiritiladigan barcha xarajatlar va chiqimlar hamda majburiy to’lovlar chegirilganidan so’nggi korxona yalpi daromadining qismi. Balans foyda soliqqa tortilgunga qadar bo’lgan yalpi foydadir.
Birja – qimmatli qog’ozlar, valyuta, tovar, ish kuchi va xom ashyo sotiladigan va xarid qilinadigan muassasa.
Birjaviy risklar – birjaviy bitimlardan ko’riladigan zararlar xavfi mavjud bo’lgan risklar.
Biznes – (ingl. business) – daromad keltiradigan yoki boshqa naf beradigan xo’jalik faoliyati; foyda olish maqsadlari ko’zlangan va qonunlarga xilof bo’lmagan har qanday tashkiliy faoliyat.
Biznes-reja – aniq tanlangan tadbirkorlik ishining barcha bosqichlari tavsiflangan va taxminan hisob-kitob qilingan loyiha. Unda aniq tanlangan tadbirkorlik ishining hamma tomonlari o’z aksini topadi.
Boshlang’ich kapital – investitsiya qilish uchun to’plangan dastlabki summa yoki ish boshlash uchun kerak bo’ladigan sarmoya.
Bojxona to’lovlari – mamlakat chegarasi orqali o’tkaziladigan (olib kiriladigan va chiqariladigan) tovar-moddiy boyliklar uchun to’lanadigan haq.
Bozor infratuzilmasi – bozorda tovarlar va xizmatlarning erkin harakatini ta’minlaydigan muassasalar, tashkilotlar majmui.
Bozor kon’yunkturasi – muayyan davrdagi bozor holati; bozorda muvozanatning mavjudligi yoki buzilganligi bilan tavsiflanadi.
Byudjet – (ingl. budget – hamyon, mablag’) – belgilangan muddat uchun ishlab chiqilgan, me’yorlashtirilgan hamda qonuniy ravishda tasdiqlangan daromadlar va xarajatlar yig’indisi.
Byudjetdan moliyalash – davlat byudjetdan davlat buyurtmalarini amalga oshirish, davlat dasturlarini bajarish, davlat tashkilotlarini saqlash (ta’minlash) bilan bog’liq xarajatlarga pul mablag’lari ajratish.
Byudjetdan tashqari jamg’armalar – davlatning davlat byudjetiga kiritmaydigan va aniq maqsadlarga mo’ljallangan pul mablag’lari.