«Sanoat ishlab chiqarishini tashkil etish» kafedrasi Oliy ta’limning 5230100-“Iqtisodiyot”, 5230200

Umumiy qoidalar

1. 
   Respublikamizda olib borilayotgan barcha sohalardagi islohotlarni yanada chuqurlashtirish jarayoni kadrlarni tayyorlash tizimida ham tub o’zgarishlar qilinishini taqozo qilmoqda. Chunki, o`z yo`nalishi bo`yicha zarur bilim malakalarni chuqur egallab, uni hayotga tadbiq eta oladigan, bir so`z bilan aytganda, Vatan taraqqiyoti yo`lida kuyib yonadigan kadrlar ushbu islohotlarni yanada jonlantirib, yurtimiz rivoji va halqimiz farovonligini yanada yuksaltirishi uchun o`z hissasini qo`sha oladi. Zamon talablariga javob beradigan bilimdon va yuqori malakali mutaxassislarni tayyorlash oliy maktabning dolzarb vazifasidir.
   
2. 
   Mazkur uslubiy ko’rsatma “O’zbekiston Respublikasi Oliy ta'lim muassasalari talabalarining malakaviy amaliyoti to`g`risida”gi NIZOM asosida ishlab chiqilgan. Bunda Andijon Mashinasozlik Instituti 2-kurs «Iqtisodiyot» yo’nalishi talabalarining ishlab chiqarish amaliyotini o`tkazish shakllari, tartiblari va boshqa me`yorlarini aniqlov uslubiyoti belgilangan. Amaliyot bazasi bitiruv malakaviy ishi mavzusidan kelib chiqib aniqlanadi.
   
3. 
   Bakalavriatning «Iqtisodiyot» yo`nalishi bo`yicha kadrlar tayyorlashning o’quv-uslubiy normalarning muhim qismi bo`lgan ishlab chiqarish amaliyoti, mulkchilikning shaklidan qa`tiy nazar, yo’nalish talablariga to`g`ri keladigan, ilg`or ho`jalik yurituvchi sub’ektlarida o`tkaziladi.
   
4. 
   Ishlab chiqarish amaliyotini o`tkazishdan asosiy maqsad – mazkur korxona faoliyati bilan tanishib, uning iqtisodiy faoliyati, mehnatni tashkil etish tizimi, kadrlar potensialini atroflicha o`rganib chiqish va baho berish bilan birga, mavjud muammolarni bartaraf etish hamda ilg`or tajriba, yangiliklarni ishlab chiqarishga tadbiq etish bo`yicha ilmiy asoslangan tavsiyalar berishdir.
   
5. 
   Amaliyotning muddati institut o`quv-uslubiy bo`limi tomonidan Davlat Ta'lim Standartlari talablari asosida 8 hafta qilib belgilangan.