Sanoat instituti

O’Z KASBINING USTASI HOJINOVA MAQSUDA A’ZAMXO’JA QIZI

O’zbekiston  Xotin-qizlar ichidan yetishib chiqqan birinchi texnika fanlari

doktori, professor, O’zbekistonda xizmat ko’rsatgan fan va texnika arbobi,

O’zbekiston  Respublikasi Fanlar akademiyasining haqiqiy a’zosi, taniqli olima

Maqsuda ona A’zamxo’ja qizi Hojinova 1920 - yil   8-iyulda Toshkent shahrida

xizmatchi oilasida tug’ildi.  M.A.Hojinovaning otasi 1920- yilda vafot etib, onasi

besh bola bilan qoldi. Bolalarning uchtasi bolalar uyida tarbiyalandi. 1928- yilda u

Toshkent iqtisodiy sanoat texnikumiga o’qishga kirib, 1931- yili uni tamomlagach,

Buxoro viloyatining Konimex shahridagi ittifoq paxta qabul qilish bo’limida

iqtisodchi – tovarshunos bo’lib ishladi.

        

Tinib-tinchimas, bilimga chanqoq, izlanuvchan, zakovatli bu ayol 1932- yilda

Moskva shahridagi G.V.Plexanov nomidagi Xalq xo’jaligi institutiga o’qishga kirib,

1936-yilda uni muvaffaqiyatli tamomladi. M.A.Hojinova o’qib yurgan kezlaridayoq

ilmiy faoliyatini boshlab yubordi; prof. P.A.Arxangelskiy rahbarligida tola, ip-

gazlamalarning sifatini oshirish sohasini qunt bilan o’rganib, keyinchalik “Tola, ip-

gazlamalarning mustahkamligini aniqlashda ratsional metodlarni izlash” degan

qo’llanma yozdi.

       M.A.Hojinova 1941-yilda o’zi tugatgan institutning  aspiranturasiga qabul qilindi

va uni muvaffaqiyatli tugatdi. 1946- yilda professor G.N.Kukin rahbarligida texnika

fanlari nomzodi ilmiy darajasini olish uchun desertatsiya yoqladi. Olima o’z

desertatsiyasida namlikning paxta iplari xususiyatlariga ta’siri masalalarining nazariy

va amaliy jihatlarini tahlil qildi. M.A.Hojinova     1944 – yildan boshlab Toshkent

to’qimachilik institutining “Tolali materiallarning mexanikaviy texnologiyasi ”

(MTVM ) kafedrasida assistent bo’lib ishladi.

        

M.A.Hojinova  1957-yilda  to  umrining  oxirigacha  o’zi  tashkil  etgan

“To’qimachilik materialshunosligi” kafedrasiga rahbarlik qildi.

            

1957-1973  yillarda  Toshkent  to’qimachilik  va  yengil  sanoat  institutining

rektori bo’lgan  M.A.Hojinova ko’p yillik ilmiy kuzatishlarini yakunlab, 1958-yilda

---

68

Moskva to’qimachilik institutida “Tola va iplarning sifatiga mexanikaviy

shikastlarning  ta’siri”  mavzusidagi doktorlik dissertatsiyasini muvaffaqiyatli

yoqladi.

        

M.A.Hojinova  1945-1950  yillarda  Toshkentdagi  kanop  seleksion  stansiyalari

ishlarida ishtirok etib, uzun tola bilan bir qatorda O’zbekistonda yetishtiriladigan

kalta kanop tolasidan ham ip yigirish mumkinligini amaliy jihatdan isbotladi va