Санжар отахонов

22-модда. Ҳакамлик судьясини рад қилиш 
1. Ҳакамлик судьяси томонидан низони кўриб чиқиш учун 
мазкур Регламентнинг 21-моддасида кўрсатилган розилигини 
олгандан кейин ушбу Регламентнинг 13-моддасида назарда тутилган 
талабларга риоя этилмаган ҳолларда, ҳар бир тараф низони якка 
тартибда кўриб чиқаётган ҳакамлик судьяси, раисли қилувчи 
ҳакамлик судьяси, ҳакамлик судьясини рад қилиш ҳақида арз 
қилишлари мумкин. Ҳакамлик муҳокамаси тарафи сайланган 
(тайинланган) ёки сайланишида иштирок этган ҳакамлик судьясининг 
рад қилиниши учун асос бўлувчи ҳолатлар рад қилинаётган ҳакамлик 
судьяси сайланганидан (тайинланганидан) кейин ўзига маълум бўлиб 
қолган тақдирдагина уни рад қилиш ҳақида арз қилишлари мумкин. 
2. Ҳакамлик судьясини рад қилиш ҳақидаги ёзма асосланган 
ариза ҳакамлик муҳокамасининг тарафи томонидан Ҳакамлик 
судининг биринчи йиғилишигача тақдим этилиши шарт. Ҳакамлик 
судьясини рад қилиш ҳақидаги ариза Ҳакамлик судининг биринчи 
йиғилишидан кейин тақдим этилган ҳолда фақат суд таркиби 
томонидан аризанинг кечиктирилиш сабаблари узрли деб топилса, у 
кўриб чиқилиши мумкин. 
3. Агарда, ҳакамлик муҳокамаси пайтида ҳакамлик судьясининг 
рад қилиниши учун асос бўлувчи ҳоллатлар пайдо бўлса, ҳакамлик 
судьяси бу ҳақда Ҳакамлик судига ва ҳакамлик муҳокамасининг 
тарафларига хабар қилиб ва ўзини ўзи рад қилиш ҳақида арз қилиши 
шарт. 
4. Рад қилиниши талаб этилаётган ҳакамлик судьяси рад қилиш 
ҳақидаги масала кўриб чиқилгунига қадар ўз тушунтиришларини 
беришга ҳақли. 
5. Агар рад қилиниши талаб этилаётган ҳакамлик судьяси ўзини 
ўзи рад қилмаса ёки ҳакамлик муҳокамасининг бошқа тарафи 
ҳакамлик судьясини рад қилишга рози бўлмаса, ҳакамлик судьясини 
рад қилиш ҳақидаги масала ҳакамлик суди таркибига кирувчи бошқа 
ҳакамлик судьялари томонидан ҳал этилади. Рад қилишни ёқлаб ва 
унга қарши берилган овозлар сони тенг бўлиб қолса, ҳакамлик 
судьяси рад қилинган ҳисобланади. Ҳакамлик судининг бутун 
таркибини рад қилиш ҳақидаги масалалар шу ҳакамлик суди таркиби 

---

578 
томонидан оддий кўпчилик овоз билан, низони якка тартибда 
кўрадиган ҳакамлик судьясини рад қилиш тўғрисидаги масалалар эса 
шу ҳакамлик судьясининг ўзи томонидан ҳал этилади. 
6. Рад қилиш масаласини кўриш натижалари бўйича низони 
кўриб чиқаётган ҳакамлик суди таркиби томонидан ажрим 
чиқарилади. 
7. Ҳакамлик судьясини рад қилиш ҳақидаги ариза шу аризачи 
томонидан ва бундан олдин кўрсатилган асослар бўйича қайта тақдим 
этилиши мумкин эмас.