Санитарно-гигиенические требования к содержанию, устройству и организации режима работы дошкольных образовательных учреждений

XV. МАКТАБГАЧА ЁШДАГИ БОЛАЛАРНИ ГИГИЕНИК ЎҚИТИШ ВА ТАРБИЯЛАШ.
15.1 Мактабгача ёшдаги болаларни гигиеник ўқитиш ва тарбиялаш тизимли равишда амалга оширилиши керак, бунда ўсувчи организмнинг асосий функцияси ҳисобланган жисмоний ва ақлий ривожланишини динамикаси ҳисобга олиниши зарур.
МТМда гигиеник ўқитиш ва тарбиялашнинг асосий вазифаси бўлиб, болаларни мустақил бўлиши ва фаоллигини ўсиши фонида онгли маданий-гигиеник кўникмаларни шакллантириш ҳисобланади.
15.2 Мактабгача ёшдаги болаларни гигиеник тарбиялаш ва ўқитишнинг асосий шакллари бўлиб, амалий фаолият ҳисобланади, унда тарбия жараёнининг органик бўлими муҳим аҳамиятга эгадир, уларга қуйидаги бўлимлар киради: жисмоний тарбия (саломатликни мустаҳкамлаш, тонгги машқларни бажариш кўникмаларини ўзлаштирмоқ, чиниқтириш, фаол ҳаракат режими), маънавий тарбия, ўзини маданий тутиш тарбияси, ўзининг ва дўстларини саломатлигига онгли муносабатда бўлиш, меҳнат ва эстетик тарбия (меҳнат кўникмаларининг ўзлаштирмоқ ўз ўзига хизмат қилиш кўникмалари, жисмоний ва ақлий меҳнат гигиенаси бўйича гигиеник тавсияларни бажаришга талабни шакллантириш).
15.3 МТМдаги педагогик ва тиббий ходимлар болани мактабгача тарбия муассасасида бўлишининг барча йилларида гигиеник тарбия бўйича ишларни амалга ошириши керак, бу ишлар муассасада олиб бориладиган барча бўлимлар бўйича бажариладиган ишларда ўз аксини топиши, тарбиялашнинг маълум дастурлари бўйича амалга оширилиши керак.
Болаларни гигиеник тарбиялашга ота-оналар кенг кўламда жалб этилиши керак, уларни МТМда олиб бориладиган ишларни характери ва ташкил этилганлиги бўйича барча ишлар билан таништириш ва уйда ўз ўзини тутиш бўйича кўникмаларни мустаҳкамлаш ишлари олиб борилиши керак.
15.4 Мактабгача тарбия ёшидаги болаларни гигиеник ўқитиш ва тарбиялашга оид масалалар муассасанинг иш режасида ўз аксини топиши ва педагог тарбиячиларнинг иш режасида ҳам акслантирилиши керак.
15.5 Болаларни тизимли равишда шахсий гигиена қоидаларига риоя қилишга ўргатиб бориш керак (танани, қўлни, юзни ва оёқни ювиш, тишларни тозалаш).
Тишларни тозалашни турғун кўникмаларини шакллантириш мақсадида, сутка давомида узлуксиз ташкил этилган гуруҳларда ушбу амалиётни ҳар куни тонгги ювиниш вақтида, кундузги гуруҳларда эса – тушликдан сўнг амалга ошириш мақсадга мувофиқдир. Болалар 2 ёшдан бошлаб тишларини намланган тиш шеткаси билан, 3 ёшдан бошлаб эса тиш кукуни ёки болалар тиш пастаси ёрдамида тозалашлари мақсадга мувофиқдир.
Индивидуал фойдаланиш учун мўлжалланган совун индивидуал совун идишларида, тиш шеткаси, пастаси (кукуни) эса индивидуал стаканларда, юқори полкадаги маркировкаланган ячейкаларда сақланиши лозим. Болаларда шахсий гигиена амалиётини амалга ошириш учун шахсий гигиена шахсий гигиена предметларидан фойдаланиш қоидаларига мунтазам равишда ўргатиб бориш керак (тиш шеткалари, сочиқлар, тароқлар, мочалкалар).
15.6 Болалар учун индивидуал мочалкалар фойдаланилгандан сўнг 15 дақиқа давомида 0,5%ли хлорли эритмада чайилади, оқиб турган сувда ювилади, қуритилади ва индивидуал матоли қопчаларда сақланади.