Sana: Sinf: 7 Mavzu: Siniq chiziq. Parallelogramm

DARS ISHLANMA

Fan: Geometriya.

Sana:
Sinf: 7
Mavzu: Siniq chiziq. Parallelogramm.
Darsning maqsadi: O’quvchilarga parallelogramm haqida ma’lumot berish, to’rtburchak turlariga oid tushunchalarini boyitish.
Ta’limiy maqsad: Siniq chiziqning uzunligi, ko’pburchakhaqida malaka hosil qilish, ko’pburchakning ichki va tashqi sohasini yosh avlodga o’rgatish.
Tarbiyaviy maqsad: O’quvchilarni barkamol avlod qilib tarbiyalash, odob-axloq, mehnatsevarlik, insoniylik fazilatlarini o’quvchilar onggiga singdirish, o’quvchilar o’rtasida o’zaro hurmatni kuchaytirish.
Rivojlantiruvchi maqsad: O’quvchilarni ko’pburchaklar mavzusiga doir bilimlarini kengaytirish, ularning aqliy fikrlash va hisoblash qobiliyatlarini takomillashtirish.
Darsda yoritilishi lozim bo’lgan asosiy tushuncha va atamalar: siniq chiziq, siniq chiziqning uchlari, siniq chiziq bo’g’inlari(tomonlari), siniq chiziq uzunligi, yopiq siniq chiziq, ko’pburchak, n-burchak, ko’pburchakning tashqi sohasi, ko’pburchakning ichki sohasi.
Darsning texnik jihozi: darslik, doska, bo’r, kartochkalar, ko’rgazmalar, kompyuter, chizg’ich, sirkul, tarqatma materiallar, taqdimot, magnit doska.
Dars tipi: Yangi bilimlar berish;
Dars metodi:Noan’anaviy.

1. 
   Aqliy hujum;
   
2. 
   Yakka tartibda ishlash
   
3. 
   Juftlikda ishlash
   
4. 
   Guruhlarda ishlash.
   

Dars rejasi(40 daqiqa):
1. Tashkiliy qism (2 daqiqa);
2. O’tgan mavzuni so’rash (10 daqiqa, tugatilgan bob bo’yicha umumiy savol-javob, takrorlash);
3. Uyga vazifalar nazorati (bu bandga to’xtalmaymiz, negaki, bugungi mavzu yangi bobning ilk mavzusi. O’tgan darsda nazorat ishini tahlil qilgan edik);
4. Yangi mavzu bayoni(15 daqiqa);
5. Mustahkamlash(8 daqiqa);
6. Baholash(3 daqiqa);
7. Uyga vazifa berish(2 daqiqa).

Darsning borishi:

1.Darsning tashkil etilishi: Salomlashish, davomatni aniqlash,siyosiy axborot va ob-havoni haqida ma’lumot tinglash.
2.O’tgan mavzuni so’rash. O’quvchilarga bob yuzasidan tuzib kelingan savollar yozilgan tarqatma materiallarni har bir o’quvchiga turli tipdagi savollarni tarqatib beramiz. Ochiq qolgan, javobi topilmagan yoxud chala javob berilgan savollarni magnitli doskalarga qo’yamiz. O’quvchilar izlanib javob topadilar, oxirida birgalikda to’ldiramiz. Nazarimda, 10 daqiqada 20 nafar o’quvchilarga berilgan savollarga ulguramiz. Quyida savollarni keltirib o’tamiz: