Sana: 4-mart 2022-yil Mavzu: Ajartilgan hol, ajratilgan to’ldiruvchi, ajratilgan aniqlovchi

II. O`tilgan mavzularni mustahkamlash maqsadida “Mutanosib javobni top” innovatsion mashqi o`tkaziladi. Guruhlar berilgan tezkor savollarga javobini qo`llariga tarqatib berilgan tarqatmalardan topib berish orqali bu shartni bajarishadi. (shartni “Kimning qo`lida?” deb ham nomlash mumkin. Chunki mazkur mashq “Blits savollar”, “Ta’rifimdan top” mashqlari elementlarini o`z ichiga oladi.)
Savollar o`qituvchi tomonidan o`qib eshittiriladi.
- Diqqat bilan tinglang va tezkor, aniq javob bering.
1. Gapda qaysi bo`lak ajartib ko`rsatilmoqda? Men, G`ulomova Shohida, hozir 8-sinfda o`qiyman.(ega)
2. Gaplar ifoda maqsadiga ko`ra necha turli bo`ladi? (4 turli)
3. Ularni, qo`l to`pi ishtirokchilarini, boshqa ishlarga jalb qilmaslikka qaror qilindi. Gapda qaysi gap bo`lagi ajratib ko`rsatilmoqda? (to’ldiruvchi)
4. Kimning qo`lida uyushiq ega qatnashgan tarqatma bor? (Davron bilan Iskandar kirib kelishdi.)
5. Kimning qo`liga o`zgargan tartibga misol bo`luvchi gap berilgan? (Men nechun sevaman O’zbekistonni?)
6. Izohlovchi qatnashgan gapni toping. (Kapitan Mansurov so`zladi.)
7.Vositasiz to`ldiruvchi qanday so`roqlarga javob bo`ladi? (kimni?, nimani?)
8. Sodda yig`iq gapga misol ayting. (U kelmoqda.)

Bolalarning javoblari, har bir fikrlari diqqat bilan eshitilib, guruhlarga ,,Rag`bat” berib boriladi.

Uy vazifasini tekshirib olamiz.
256-mashq. Badiiy asarlar matnidan ajratilgan bo`laklar qatnashgan
3 ta gap topib yozib kelish kerak edi. 4 nafar o`quvchinig gaplarini o`qitaman.
-Uy vazifasini to`g`ri bajarganingiz uchun daftaringiz hoshiyasiga yana bir balldan qo`ying.
III. Yangi dars bayoni:
Avvalo, hol, to`ldiruvchi, aniqlovchi gap bo`laklariga
ta’rif beramiz.
Hol – kesimdan anglashilgan ish –harakatning o`rnini, paytini, holatini, bajarilish sababini, maqsadini, daraja-miqdorini bildiradigan ikkinchi darajali bo`lak.
Masalan, astoydil ishlamoq, qunt bilan o’qimoq va h.k