Sana: 16 fevral 2015 yil

Siz bahorni sog`inmadingizmi ?

Ayni vaqtda go`zal va farovon yurtimizda kumush qish oxirlab kelinchak bahor asta – sekin o`zining sepini yoyish arafasida. Bundan ko`ngillar shod. Zero, har bir bahorning kelishi qalbimizda kelajakka ishonch, hayotga oshiqish, mas`uliyat hislarini olib kiradi.

Siz bilasiz. Shu kunlarda bobomiz A.Navoiy va Bobur tavallud to`yi yurtimizda keng nishonlanmoqda. Navoiy bobomiz inson yoshini fasllar bilan ataganlar. Qani, ayting – chi, bobomiz o`z devonlarini inson yoshi bilan bog`lab qanday nomlaganlar.

O`quvchilar “Xazoyin ul – maoniy” kulliyoti tarkibiga kiruvchi devonlarni sanaydilar. Bobomiz umrining o`tkinchiligini, biz esa bu vaqtda ilm olib, komillik kasb etib, bu dunyodan poklanib o`tishimizni o`z ash`orlari orqali avlodlarga yozib qoldirganlar.

Kamol et kasbkim, olam uyidin

Senga farz o`lmag`ay g`amnok chiqmoq

Jahondin notamom o`tmak biaynih

Erur hammomdin nopok chiqmoq

2. 
   O`tilgan mavzuni so`rash 8 minut
   

Biz o`tgan ona tili darsida qaysi mavzu bilan tanishgan edik? Demak, sodda yoyiq va sodda yig`iq gaplar degan mavzuni o`tgan edik.

Mana siz guruhlarga bo`lingansiz. Dars davomida jamoa bo`lib harakat qilasiz. Qaysi guruh faol ishtirok etishiga ko`ra baholanasiz.

Guruh nomlarini insoniy fazilatlardan kelib chiqib “Mehr”, “Sadoqat”, “Vatanparvar”, “Ziyo” deb nomladik.

Hayotda atrofimizdagilarga mehr ko`rsatib, ota – ona, el - u yurt do`stga sadoqat ila ilm – u ziyoga intilib vatanparvar bo`lib yashamoq lozim

O`tilgan mavzuni mustahkamlash maqsadida har bir guruh “Hasharchilar” o`yini asosida sodda yoyiq va sodda yig`iq gapga rasmlar orqali gap tuzadilar.

Biz bilamiz, hashar arabcha so`z bo`lib “Ko`pchilik”, “Jamoa”, “Guruh” ma`nolarini anglatadi. Kop`chilik bo`lib biror yumushni bajarish, ezgulik va mehr – muruvvatga boy qadriyat hashar deyiladi. Hasharning ahamiyati nimada deb o`ylaysiz?

Gaplarni eshitamiz. Har bir guruh 1 ta sodda yoyiq, 1 ta sodda yig`iq gap tuzadi. Demak, sodda yoyiq va sodda yig`iq gaplarning farqi nimada?

Bosh bo`laklarga nima kiradi ?

Qaysi gap bo`lagi biror bo`lakka bog`lanmaydi, tobelanmaydi ?

Ikkinchi darajali bo`laklarga nimalar kiradi ?

Gapning kengaytiruvchilari qaysi bo`laklar ?

Uyga vazifalar ko`riladi

3. 
   Yangi mavzu bayoni 20 minut
   

Bugun biz darsimizda ikkinchi darajali bo`laklardan biri hol gap bo`lagi haqida bilim olamiz. Hol so`zi ingliz tilida qanday ataladi ? Siz 5 – sinfda hol mavzusini o`tgansiz Holning shartli belgisi qanday ?

Induktiv metod asosida mavzuni o`zlashtiramiz

169-mashqni bajaramiz va shu mashq orqali mavzuni o’rganamiz

4 guruhdan bittadan o’quvchi chiqib doskaga gaplarni tahlil qiladi

Nodonga yuz aytsang ham, befoyda. Ushbu gap egasi umumlashgan gap. Aytsang ham, befoyda so`zlari kesim vazifasida kelgan.

Hol qaysi so`z turkumi bilan ifodalangan ? Hol son so`z turkumi bilan ifodalangan.

Qaysi gap bo`lagiga tobelangan ? Kesimga tobelangan

Kechqurun salqin bo`ldi, ertalab shudring tushdi. Hol ravish bilan ifodalangan payt holi. To`g`ri yursang, murodingga oson yetarsan. Hol sifat bilan ifodalangan

Shamol g`ir – g`ir esadi. Hol taqlid so`z bilan ifodalangan tarz holi

Bunda bor harorat, muhabbat, shafqat. Hol olmosh bilan ifodalangan o`rin holi

Bu qaysi she`rdan ?

Hozir maktab o`quvchisiman, kelasi yil talaba bo`laman Bunda hol ravish ifodalangan

Gaplar tahlil qilinib bo`lingach, o`quvchilar topshiriqni to`g`ri bajarganliklarini tekshirish maqsadida ushbu mashq slayd asosida ko`rsatiladi

Guruh a`zolaridan holga ta`rif so`raladi. Hol ko`proq gap markazi kesimga bog`lanib, undan anglashilgan ish – harakatning o`rnini, paytini, holatini bajarilish sababi, maqsadini daraja – miqdorini bildiradigan ikkinchi darajali bo`lak.

Slayddagi hol turlari jadvali ko`rsatiladi.


Hollar tuzilishiga ko`ra sodda va murakkab bo`ladi.

175 – mashqdagi hollar jadvalga joylashtiriladi. Guruh ishlari tekshiriladi

Takror so`zlar: dona – dona, takror – takror, hovuch – hovuch, qonib – qonib

So`z birikmasi: bir – bir bosib

Ibora bilan: ko`zi ochiq ko`zi tinib

Kengaygan birikma: sochlari parishon, oyoqlari yalang, yoqasi ochiq, urush boshlanganda, Sharifa bilan Nasiba arazlashganda.

Slaydda ushbu mashqni to`g`ri bajarilgan holati ko`rsatiladi

4.