Sana: 12,13,14,15 sentyabr 2011yil

Tergov organlari bu —jinoyatchilikka qarshi kurash olib boruvchi organlar tizimiga kiradi.Amaldagi qonunlarga muvofiq dastlabki tergov ishlarini:prokuratura organlarining tergovchilari; Ichki ishlar vazirligi tergovchilari; Milliy xavfsizlik xizmati tergovchilari olib boradilar.

“O‘zbekiston Respublikasi hududida qonunlarning aniq va bir xilda bajarilishi ustidan nazoratni O‘zbekiston Respublikasining Bosh prokurori va unga bo‘ysunuvchi prokurorlar amalga oshiradi”. O‘zbekiston Respublikasi Konstitutsiyasi, 118-modda.

Tergov apparatining uning qaysi idoraga mansubligidan qat’i nazar vazifasi jinoiy ishlarning tez va to‘la-to‘kis tekshiruvi o‘tkazilishini ta’minlashdir.Tez tekshiruv o‘tkazishning ma’nosi shuki, birinchidan, izlar bosilmasdan, ro‘y bergan voqea guvohlar xotirasidan chiqmasdan jinoyat izlari, ashyoviy dalillar borligida ishning hamma holatlarini aniqlash oson bo‘ladi.

Rossiya imperiyasi mustamlakachiligi davrida (1867-1917-yillar) rus mustamlakachiligining Turkistondagi asosiy tayanchi, ma’muriy va majbur qiluvchi tashkiloti politsiya idorasi bo‘lib, u juda katta vakolatlarga ega edi. Politsiya ma’muriyati mustamlakachilik qoidalariga amal qilishni nazorat etish, ayniqsa, mahalliy xalqlarning kayfiyatlari va xatti-harakatlarini kuzata borish, istalgan odamni hibsga olish huquqlaridan keng foydalanar edi. General-gubernatorning o‘zi Bosh mirshab vazifasini ham o‘tardi. General-gubernator o‘lkadagi istalgan odam, ayniqsa, mahalliy aholiga mansub odamning taqdirini hal qilib yuborardi. Viloyatlar harbiy gubernatorlari, tumanboshilari, uchastka pristavlari ham o‘zlarining vakolatlari doirasida katta huquqlardan foydalanganlar. Turkiston shaharlarida polismeysterlar lavozimi joriy etilib, huquq jihatidan tumanboshilar bilan teng edi. Toshkentda yangi va eski shahar polismeysterlari ish olib borishardi. Ularga politsiya pristavlari bo‘ysungan. Volost boshqaruvchilari va oqsoqollar ham quyi politsiya zobitlari vakolatlariga ega bo‘lib, ularga yollangan mirshablar xizmat qilgan.