Samarqand viloyati kasbiy ta’limni rivojlantirish va muvofiqlashtirish hududiy boshqarmasi kattaqo’RG’on tumani 3-son kasb-hunar maktabi tikuvchilik o’quv ustaxonasi jihozlaridan foydalanish uchun uslubiy qo’llanma ishlab chiqarish ta’limi

Ip takish. Ustki ipni g’altakdan (1-rasm) yuqoridan pastga g’altak tayanchining ilgagidan o’tkazib, plastinasimon ip yo’naltirgichning uchta teshigidan, chapga ikkinchi plastinasimon ip yo’naltirgichning uchta teshigidan o’tkaziladi, yuqoridan pastga ip yo’naltirgich naychaning ichiga kiritib, soat mili harakatiga qarshi yo’nalishda ustki ipni taranglash rostlagichining shaybalari orasidan aylantirib, pastdan oldinga tomon ip tortgichning prujinasi tagiga kirgiziladi.

1-rasm. Ip taqish.
Pastdan yuqoriga ip yo’naltirgichning tagiga olib boriladi, o’ngdan chapga ip tortgichning quloqchasiga taqib, pastga ip yo’naltirgichning tagidan o’tkazilib, so’ngra ikkita sim ip yo’naltirgichdan igna tutgichga mahkamlangan ip yo’naltirgichdan o’tkaziladi va chapdan o’ngga ignaning ko’ziga taqiladi.


Ostki ip mashina tanasiga o’rnatilgan o’ragich yordamida naychaga o’raladi. Ipni g’altakdan plastinasimon ip yo’naltirgichning uchta teshigiga o’ngdan chapga o’tkaziladi, ip taranglagichning shaybalari orasidan soat mili harakati yo’nalishida aylantirib, o’ngdan chapga ip yo’naltirgich skobalarining tagidan o’tkaziladi. Naychani shpindelga kiydiriladi; naycha ariqchasiga kirib turadigan plastinali prujina naycha holatini fiksatsiyalaydi. Naychaning keyingi devori tomonga ipni keltirib, naychani shpindel devoriga tiralguncha siljita borib, ip qisib qo’yiladi. O’ragichni ishlatish uchun tikuvchi richagni soat mili harakatiga qarshi yo’nalishda burishi kerak. Bunda cheklovchi qopqoq soat mili harakatiga qarshi yo’nalishda buriladida, shpindelning toretsi ro’parasiga keladi, naychaga ip o’ralishining cheklovchi qopqoq o’qiga mahkamlangan cheklagichi esa naycha devorchalari orasiga joylashadi. Naychaga cheklagich holatiga qarab belgilanadigan kerakli miqdorda ip o’ralgandan keyin o’ragich to’xtaydi. Richag bilan cheklagich qopqoq avtomatik ravishda soat mili harakati yo’nalishida buriladi. Naychani shpindeldan olib, ipning bo’sh uchi qopqoq tagiga olib kelinadi (2- rasm). Naycha chapga keskin burilganda qopqoqning tagidagi pichoq ipni qirqadi.
Naychani (3-rasm) uning devorchalaridagi teshikchalar tashqariga qarab turadigan qilib naycha qopqogi ichiga kiritiladi. Ipni o’yiq ichiga kiritib, plastinasimon prujinaning tagidan o’tkaziladi va naycha tutgich ichiga kiritib qo’yiladi.
Naycha naycha qopqog’ining ichida, unga qulfcha tomondan qaraganda, soat mili harakati yo’nalishida aylanishi lozim.

2-rasm. Naycha 3-rasm. Naychani naycha qopqog’iga joylash