Samarqand veterinariya meditsinasi instituti

H - katatermometrning indeksi,

F - katatermometrning konstantasi bu faktorni 3 ga bo‘lib topiladi.

T₁ - katatermometrning yuqori ko‘rsatgichi

T₂ - katatermometrning pastki ko‘rsatgichi

t - sovush vaqti, sekund

Misol: F = 660, T₁ = +40⁰C , T₂ = +33⁰C, sovush vaqti t = 90 sek. Katatermometrning konstantasi 220 bo‘lsa, katatermometrning indeksi qo‘yidagicha bo‘ladi:

H = 220 (40 - 33) / 90 = 1540 / 90 = 17,1 ml/kal/sm² ga teng

Havoning harakat tezligi yuqorida qayd etilgan formula yordamida aniqlanadi.

Topshiriq № 1 – Anemometrlar yordamida havoning harakat

tezligini aniqlang.

Utkazilgan tekshirish natijalari

Tekshirish joyi	1 - aniqlash	1 - aniqlash	1 - aniqlash	1 - aniqlash	O‘rtacha kursatgich	Havoning harakat tezligi m/sek.
Tashqarida
Ichkarida

Nazorat savollari:

1. 
   Havo harakati qachon paydo bo‘ladi
   
2. 
   Tashqarida havoning harakat tezligi qanday aniqlanadi
   
3. 
   Havoning harakat tezligini aniqlashdagi asboblarni ayting
   

4. Havoning harakat tezligini me’yorlarini ayting

Mavzu: Binodagi yorug‘likni aniqlash.

Darsning maqsadi - chorvachilik binolarida yorug‘lik miqdorini aniqlash usullarini o‘rganish va ularni zoogigienik me’yorlar bilan solishtirish natijasida gigienik tomondan baholash.

Darsga kerakli ko‘rgazmali qurollar, reaktivlar - chorvachilik binolaridagi tabiiy va su’niy yorug‘lik me’yorlari keltirilgan jadvallar, lyuksmetr

Darsning mazmuni - yorug‘lik yuqori biologik ta’sirga ega bo‘lib, chorva mollari va parrandalar organizmiga ijobiy ta’sir ko‘rsatadi. Molxonalar va parrandaxonalarni etarli miqdorda yorug‘lik bilan ta’minlanishi ko‘pchilik kasalliklarni oldini olishda muhim faktor hisoblanadi. Misol uchun; agar yorug‘lik miqdori etarli bo‘lmasa katta yoshli hayvonlarda osteomalyasiya (suyaklarning mo’rt bo‘lishi) kasalligi, yosh hayvonlarda esa raxit kasalligi kelib chiqadi. Chorvachilik binolari va parranda xonalarda tabiiy va su’niy yorug‘lik miqdorlarini aniqlash amaliyotda muhim ahamiyatga ega hisoblanadi.

Tabiiy yorug‘likni aniqlashda qo‘yidagi usullar ishlatiladi:

1. 
   Geometrik usul - bu usul juda oddiy bo‘lib chorvachilik binolarini loyihalashtirish davrida ishlatiladi. Bu usulda yorug‘lik koeffitsienti aniqlanadi. Yorug‘lik koeffitsienti (YoK) deb - oynalangan deraza yuzasidan tushayotgan yorug‘likning pol yuzasiga bo‘lgan nisbatiga aytiladi. Yorug‘lik koeffitsientinig me’yorlari qo‘yidagichadir:
   

1. Qoramollar uchun 1 : 10, 1 : 15

2, Qo‘ylar uchun 1 : 20

3. Yilqilar uchun 1 : 10, 1 : 15

4. Cho‘chqalar uchun 1 : 10

5. Parrandalar uchun 1 : 10, 1 : 12

6. Mo‘ynali hayvonlar uchun 1 :10, 1 : 13

7. Bo‘rdoqiga boqiladigan hayvonlar uchun 1 : 25, 1 : 30

Shunday qilib, yorug‘lik koeffitsienti binoning pol yuzasini, oynalangan deraza yuzasiga bo‘lib hisoblanadi.

Misol: 200 boshga molxona uzunligi 69 m, eni 18 m, 60 dona deraza o‘lchami 0,8 x 1 m. shundan molxona yuzasi 69 x 18 = 1242 m² oynalangan deraza yuzasi esa (0,8x1 m) x 60 = 48 m². bu paytda yorug‘lik koeffitsienti 1242 m² : 48 m²= 25,8 ya’ni YoK = 1 : 26 ga teng.

2) Svetotexnik usul - bu usulda molxonalarda tabiiy yorug‘lik koeffitsienti (TYoK) aniqlanadi. TYoK - deb molxona ichidagi yorug‘likni tashqi atmosfera yorug‘ligiga nisbatan foiz hisobida ifodalanishiga aytiladi. TYoK qo‘yidagi formula bo‘yicha aniqlanadi:

TYoK = E _i / E _t x 100

Yoritilayotgan yuzaga tushayotgan yorug‘lik nurlarining zichligiga yoritilganlik deyiladi. Yoritilganlik - lyuks (lk) bilan o‘lchanadi. Misol: Molxonaning ichki yorug‘ligi 60 lk, tashqi yoritilganlik esa 6000 lk, bunda tabiiy yorug‘lik koeffitsienti (TYoK) 1 % ga teng bo‘ladi.

TYoK= 60/6000 x 100 = 6000/6000= 1 %

Molxonaning ichki yoritilganligi tashqi yorug‘lik miqdorini TYoK ga ko‘paytirib aniqlanadi: Misol: fevral oyida tashqi yorug‘lik 5000 lk ga teng. TYoK esa 0,8%. Bu tashqi yorug‘likni 0,008 qismiga to‘g‘ri keladi. Aniqlanadigan yoritilganlik 5000 x 0,008 = 40 lk ga to‘g‘ri keladi. TYoK molxonaning markazida pol ustida, poldan 1m va 1,6 m balandlikda aniqlanadi.

TYoK ning me’yorlari qoramollar uchun 0,4-1,0 %, bo‘rdoqi mollar uchun 0,4-0,5 %, profilaktoriy uchun 0,5-1 %, cho‘chqalar uchun 0,5-1,2 %, qo‘ylar uchun 0,3-0,8 %, yilqilar uchun 0,5-0,8 %, parrandalar uchun 0,7 va quyonlar uchun 0,5 - 0,7 % bo‘lishi lozim:

Yorug‘likni aniqlashda lyuksmetrdan foydalaniladi.

YU - 16 fotoelektrik lyuksmetrni tashqi ko’rinishi
YU - 116 lyuksmetri tabiiy va sun’iy yorug‘likni - 10⁰C dan + 35⁰C va nisbiy namlik 80 % gacha bo‘lganda aniqlash uchun ishlatiladi. Lyuksmetr asosan o‘lchagich galvanometrdan va fotoelementdan iboratdir. Asbob ikkita shkaladan iborat: a)0 - 100 b)0 - 30 gacha har bir shkalada o‘lchash diapazonlarini boshlanishi nuqta qo‘yib belgilangan. 0 - 100 gacha shkalada 20 soni, 0 - 30 gacha shkalada 5 soni ustiga nuqta qo‘yilgan. Yon tomonda fotoelementni ulash uchun joy qoldirilgan. Agar yorug‘lik 100 lyuksdan ortiq bo‘lsa, uni kamaytirish uchun maxsus nuryutgich filtrlardan foydalaniladi. M (10), R (100), T (1000) va K yopqichlardan iborat.

Misol: fotoelementda KR filtri o‘rnatilgan. Chap tugmacha bosilgan. Ko‘rsatkich 0 - 30 shkalasida 15 ni ko‘rsatib turibdi. Bunda aniqlanadigan yorug‘lik 15 x 100 = 1500 lk ga tengdir.

Sun’iy yorug‘likni aniqlash - buning uchun molxonani yoritadigan lampochkalarning soni aniqlanadi va bir dona lampochkaning quvvatiga ko‘paytiriladi. Olingan natijani pol yuzasiga bo‘linadi. Bu vaqtda 1 m² pol yuzaga to‘g‘ri keladigan solishtirma quvvat topiladi (vt/m²). Vt/m² birlikdagi yorug‘likni lyuksga aylantirish uchun tokning kuchlanishiga qarab qo‘yidagi koeffitsientlarga ko‘paytiriladi.

Lampochkaning quvvati Qizdirish lampasi Lyuminitsentli lampa.

100 vt gacha 2,0 6,5

100 vt va undan yuqori 2,5 8,0

Misol: Molxona polining yuzasi 1000 m², 30 ta 100 vt lik lampa bilan yoritiladi. Solishtirma quvvatni aniqlang. Sq = 30 x 100 : 1000 = 3 vt/m². Bu vaqtda yoritilganlik 3 vt/m² x 2 = 6 lk.

Yoritgich lampalar turlari: 1-qizdiruvchi, 2-lyuminessens, 3. sveto-diodli (aralash)
Yorug‘lik sigirxonada pol ustida, poldan 1 va 1,6 m balandlikda, cho‘chqaxonada polda, poldan 0,5 va 1,6 m balandlikda, parrandaxonalarda binoning ikki cheti va markazida pol ustida va poldan 1,6 m balandlikda aniqlanadi. Yorug‘lik deraza va devorlardan 1,2 m uzoqlikda o‘lchanadi. Yorug‘lik bir kunda 3 marta (soat 10⁰⁰da, 13⁰⁰ da va 16⁰⁰da) aniqlanadi. Yoritilganlik me’yorlari - qoramollar uchun sog’ish zalida 150 - 100 lk, profilaktoriy uchun 30 - 75 lk, cho‘chqalar uchun 50 - 100 lk, qo‘ylar uchun 30 - 50 lk, otlar uchun 20 - 30 lk, parrandalar uchun 75 - 150 lk va quyonlar uchun 50 - 100 lk bulishi kerak.

Topshiriq № 1 – Molxonalarda yorug‘lik miqdorini aniqlang.

Utkazilgan tekshirish natijalari

Yorug‘lik turlari	№ 1 bino	№ 2 bino	№ 3 bino
Yorug‘lik koeffitsienti - YoK
Tabiiy yorug‘lik koeffitsienti – TYoK
Sun’iy yorug‘lik – vt/m^2
Lyuksda

Nazorat savollari:

1. 
   Yorug‘likni aniqlash usullarini ayting.
   
2. 
   Chorvachilik binolarida yorug‘lik me’yorlarini ayting.
   
3. 
   Sun’iy yorug‘likni aniqlashni ayting.