Samarqand kompyuter texnologiyalari va gidromelioratsiya kolleji periferiya va ofis qurilmalarini tamirlash

O’ZBEKISTON RESPUBLIKASI OLIY VA O’RTA MAXSUS TA’LIM VAZIRLIGI

O’RTA MAXSUS, KASB-HUNAR TA’LIMI MARKAZI

SAMARQAND VILOYAT O’RTA MAXSUS, KASB - HUNAR TA’LIMI BOSHQARMASI

SAMARQAND KOMPYUTER TEXNOLOGIYALARI

VA GIDROMELIORATSIYA KOLLEJI



PERIFERIYA VA OFIS QURILMALARINI TAMIRLASH

VA SOZLASH

FANIDAN MA'RUZALAR MATNI

Samarqand – 2011

Tuzuvchi: Samarqand kompyuter texnologiyalari va GM kollegi

maxsus fani o'qituvchisi Narziyev Sh.

Taqrizchi: TATU Samarqand filiali <> kafedrasi o'qituvchisi, dots Ya. Yorbekov.
<> kafedrasi yig’ilishida (bayoni № 1, 2011 yil «26» avgust) muxokama qilindi va tasdiqlandi.
Samarqand kompyuter texnologiyalari va GM kolleji ilmiy kengashi majlisida (bayoni № 1, 2011 yil «30» avgust) muxokama kilindi va tasdiklandi.
So’z boshi.
Hozirgi kunda axborot bu ham vaqt, ham pul, ham hokimiyat — hammasidir.

Insoniyat rivojlanishining zamonaviy bosqichi axborotning ijgimoiy va iqtisodiy ahamiyatining beqiyos o’sishi bilan tavsiflanadi.

Statistik ma’lumotlarga ko’ra mehnat resurslarini moddiy ishlab chiqarish va xizmat ko’rsatish sohasidan axborot sohasiga qayta taqsimlanish jarayoni shunga olib keldiki, hozirdayoq rivojlangan mamlakatlarning axborot sohasida ish bilan band aholining 50 foizdan ko’prog’i mehnat qilmoqda.

Mutaxassislar fikricha, axborotni qayta ishlash tarmog’i hozirda sanoati rivojlangan mamlakatlar uchun industrlashtirish bosqichida og’ir sanoat qanday rolni uynagan bo’lsa, shunday rolni o’ynamoqda. Axborot resurslari rivojlangan mamlakat­larning asosiy milliy boyligiga aylanib bormoqda, ulardan foydalanish samaradorligi esa ko’proq darajada butun mamlakatning iqtisodiy qudratini belgilamoqda. Bunda «aktiv» axbo­rot resurslari, ya’ni bu resurslarning avtomatlashtirilgan saqlash, izlash, uzatish va qayta ishlashga qulay bo’lgan qismi yetakchi rol o’ynamoqda (AQSh) da, masalan, 70-yillar o’rtalarida xo’jalik tarmoqlari orasida uchinchi o’rinni egallagan kompyuter informatikasi (faqat avtomobil sanoati va neftni qayta ishlashdan keyin) hozir birinchi o’ringa chiqdi.

Shuning uchun tadbirkor odamga axborot texnikasinint imkoniyatlari to’g’risida xabardor bo’lish, uni tanlay bilish va foydalana olish juda muhimdir.

Orgtexnika — bu boshqarish va muxrndislik-texnik ishlarni mexanizasiyalashtirish va avtomatlashtirish uchun qo’llaniladigan tex­nik vositalardir, boshqarish esa bu axborotlarni aniq, bir maqsadga yo’naltirib qayta ishlash jarayonidir.

Orgtexnikaga, qalamlardan tortib, qalamtaroshlargacha va nihoyat hisoblash mashinalari-yu texnik jixozlari va moslamalarni, mashinalarni misol sifatida keltirish mumkin.