Samarqand iqtisodiyot va servis instituti raxmatulla xaitboyev ekologik turizm

5. Baland tog‘ mintaqasi 
dengiz sathidan 2700 – 2800 metrdan 
balandda joylashgan bo‘lib bu mintaqaning maydonlari uncha katta 
emas. Mintaqadagi sovuq va nam iqlim sharoitida och qo‘ng‘ir va 
o‘tloq tuproqlar hosil bo‘ladi. Baland tog‘ mintaqalari subalp va 
alp o‘tloqlaridan iborat. Ayrim, quyoshga teskari yonbag‘irlarida 
yil bo‘yi qor va muzliklar saqlanishi mumkin. Baland tog‘ 
mintaqasida va bu tabiiy mintaqaning boshlanishi garalarida 
ayniqsa, Zomin milliy parki hududlarida ekoturistik tog‘-chang‘i 
sport turizmini rivojlantirishning juda katta imkoniyatlari bor.
Ekoturizmning ekosafari (ov va baliq ovlash) resurslari ham 
g‘oyat biologik xilma-xillikka ega. Birgina ovlanadigan baliqlarning 
83 turi daryolarimiz va suv havzalarimizda ko‘paytirilib muhofaza 
qilinmoqda. Shulardan 18 turi O‘zbekiston Respublikasining «Qizil 
kitob»iga kiritilgan. Ovchilik mavsumida suv havzalarimizda ichki 
va tashqi turist ovchilarni taklif qilishning katta imkoniyatlari 
bor. Shuningdek, vatanimizda ovchilik qushlarining ov qilish 
darajadagi sonlariga yetishganligi va ovchilik hududlarining 
mavjudligi hamda ovchilikka ruxsat berilganligi ham ekoturizmda 
ekosafari marshrutlarini ishlab chiqish va xalqaro ekoturizm, ichki 
ekoturizm bozoriga chiqarishning katta imkoniyatlari bor. 
Ilmiy axborotlardan ma’lum bo‘ladiki, vatanimizga kelib-
ketayotgan har 100 turistning 50–60 tasi mamlakatimizning 

---

118
119
tabiatiga va undagi biologik xilma-xillikka qiziqishmoqda. Ayniqsa, 
mamlakatimizdagi alohida muhofazadagi tabiat qo‘riqxonalariga 
va ulardagi flora hamda faunaga qiziqish kuchli. Shu nuqtayi 
nazardan ham mavjud ekoturistik resurslardan ayniqsa alohida 
muhofazadagi ekologik hududlardan ekoturistik maqsadlarda 
foydalanish yo‘llarini ishlab chiqishimiz lozim bo‘ladi.