|
7.2. Qishloq turizmining zamonaviy reklamalarini yaratish
Qishloq turizmini rivojlantirishda birinchi navbatdagi
vazifalar albatta joylashtirish vositalari hisoblanadi. Lekin
qishloqlarda qishloq turizmini rivojlantirishdagi dastlabki
tadbirkorlikda bu masalani tezda hal qilsa bo‘ladi. Qishloq
turizmini rivojlantirgan Yevropa davlatlari dastlabki vaqtda ham
turistlarni joylashtirishda ijara usulini taklif qilgan. Tadbirkorlik
kuchaygandan keyin alohida-alohida uylar, kottejlar qurish
raqobat natijasida boshlanib ketadi. Lekin qishloq turizmini
rivojlantirishdagi dastlabki tadbirlar qishloq joylardagi eng
jozibali va qiziqarli turistik resurslarga turistik marshrutlar ishlab
chiqishdan boshlanmog‘i kerak.
Qishloq turizmini rivojlantirishda eng muhim omillardan biri
qishloqlarimizda turistik marshrutlar ishlab chiqish hisoblanadi.
Chunki turistik oqim hamma vaqt turistik marshrut va uning
reklamasidan keyin hosil bo‘la boshlaydi. Qishloqlarga turistik
marshrut ishlab chiqish ham qishloq turizmini rivojlantirishdagi
eng qulay imkoniyatlar hisoblanadi. Chunki, qishloqlarda
turistik marshrutlar ishlab chiqishning imkoniyatlari ham
ko‘p, mavzulari ham ko‘p va turistik resurslarning turli-
tumanligi va deyarli barcha turizm turlarini qamrab olganligi
100
101
bilan salohiyatlidir. Qishloq turizmini rivojlantirishda
turistik marshrutlar ishlab chiqishning quyidagi bosqichlarini
rivojlantirish mumkin:
1. Qishloqlarda tabiatni o‘rganish – ekologik turizm marshrutlari.
2. Qishloqlarda madaniy merosni o‘rganish marshrutlari –
etnografik turizm marshrutlari.
3. Qishloqlardagi tarixiy va arxeologik obidalarni o‘rganish
marshrutlari tarixiy-madaniy turizm marshrutlari.
4. Qishloqlardagi ziyoratgohlar, diniy ziyorat marshrutlari.
5. Qishloqlardagi dehqonchilik, bog‘dorchilik va chorvachilikni
o‘rganish – agroturizm marshrutlari.
6. Qishloqlarda xalq milliy o‘yinlarini o‘rganish – milliy-
ma’naviy-madaniy turizm marshrutlari.
7. Qishloqlarda milliy madaniyat va milliy folklorni o‘rganish
– madaniy turizm marshrutlari.
8. Qishloqlarda fermerlar hayotini o‘rganish – agroturizm
marshrutlari.
Qayd qilganimizdek, ko‘plab turizm turlari turmarshrutlar
ishlab chiqish mavzulari bir xil bo‘lganligidan ularning keng
qamrovli faoliyati ancha chegaralangan bir yoki ikki mavzuda
bo‘ladi. Qishloq turizmining marshrutlari turli mavzularda
ekanligi va turistik obyektlarning xilma-xilligi, jozibadorligi
uchun ham juda qiziqarlidir.Birgina qishloq aholisining yashash
tarzini o‘rganish yoki tomosha qilish bo‘yicha quyidagi turistik
marshrutlarni ishlab chiqish mumkin:
1. Qishloq bilan tanishuv marshruti (aholisi, tili, hududlari,
tabiati, dehqonchiligi, chorvachiligi, asosiy ishlab chiqarish
mahsulotlari, kelib chiqishi va boshqalar).
2. Qishloq aholisining yashash tarzi (urf-odatlari, bayramlari,
marosimlari, uy-ro‘zg‘or tutishlari, uy jihozlari, mehmon kutish,
oiladagi munosabatlar, to‘ylar, milliy taomlar tayyorlash usullari,
dam olishi va boshqalar).
Qishloq turizmini rivojlantirishning yana bir imkoniyatlari
shundan iboratki, qishloqlarimizda turli mavzularda
ekskursiyalarni tashkil qilishdir. Qishloqlarda ekskursiyalarning
qiziqarliligi shundaki, ekskursiyalar bir obyektdan butunlay boshqa
mavzudagi obyektga yo‘l-yo‘lakay o‘tiladi. Agar qishloqlarda
turistlarga xizmatlar ko‘rsatishni kunlik ekskursiyalar asosida
tashkil qilsak turistlarga ancha qulayliklar yaratilishi mumkin.
Chunki, qishloqlarda uzoq masofali turistik marshrutlar
qishloqdagi dastlabki tunash joylariga qaytib kelishida ancha
toliqtirib qo‘yadi.
Ikkinchidan, qishloq turizmida turistik marshrut yoki turistik
ekskursiya ishlab chiqilganda va amalda o‘tkazilganda tushki
ovqatlanish xizmatlarini albatta dalada tashkil qilish kerak.
Chunki, dala sharoitida choy qaynatish, dala sharoitida ovqat
tayyorlash turistlar uchun haddan tashqari va taassurotli bo‘lishi
tabiiydir.
Qishloq turizmida turistik marshrutlar ishlab chiqilganda
bir qishloqdan ikkinchi qishloqqa o‘tishda yo‘llarda uchragan,
dalalarda ishlayotgan yoki chorva mollarini boqayotganlar bilan
turistlarni uchrashtirish dasturlari, ular bilan suhbatlashtirish
dasturlari albatta turistik bo‘lishini ta’minlaydi. Qishloq turizmini
rivojlantirishda turistik marshrutlarni reklama qilish ushbu turizm
turini rivojlantirishning asosiy omillaridan biri hisoblanadi.
Qishloq turizmi marshrutlari reklama qilinganda boshqa turizm
reklamalaridan mazmuni va tuzilishi bo‘yicha o‘ziga xos usullar
va yondashishlar qo‘llaniladi.
Masalan, bu reklamalarda dastlab qishloqning manzili va bu
qishloq atrofidagi turistik resurslar, infratuzilmalar va turistik
xizmatlar qisqacha izohlar, roliklar bilan ifodalanadi. Qishloq
turizmining reklamasi quyidagicha bo‘lishi mumkin:
1. Qishloqning manzili.
2. Qishloq va uning atroflaridagi turistik resurslarning
ro‘yxatlari.
3. Qishloqdagi turistik infratuzilmalar haqidagi ma’lumotlar.
4. Transport xizmatlari.
5. Joylashtirish xizmatlari.
102
103
6. Ovqatlantirish xizmatlari.
7. Gid ekskursiya xizmatlari.
8. Ko‘ngil ochar o‘yinlar xizmatlari.
9. Qishloqqa yetib borish marshruti.
Bunday reklamalarning to‘liq axborotli bo‘lishi turistlarning
qishloqqa erkin yetib borishini ta’minlaydi.
Do'stlaringiz bilan baham: |
