Samarqand iqtisodiyot va servis instituti marketing kafedrasi

«Mahsulot-bozor» matritsasi

1. 
   

Mahsulot/bozor	Mavjud	Yangi
Mavjud	Bozorda ishlashning chuqurlashishi	Mahsulot yaratish
Yangi	Bozor rivojlanishi	Diversifikatsiya

Matritsa to‘rtta maydondan iborat bo‘lib, mehmonxona xo‘jaligining o‘rnini belgilovchi ikkita omil (o‘sish va bozor hamda mahsulot o‘zgarishi) ta’siridan vujudga kelgan vaziyatlar:
- mehmonxona mavjud bozorda mavjud (eski) mahsulotlari bilan faoliyat ko‘rsatadi;
- mehmonxona mavjud bozorga yangi mahsulot taklif etadi;
- mehmonxona yangi bozorga mavjud (eski) mahsulotlar bilan kirib boradi.
- mehmonxona yangi bozorga yangi mahsulotlar bilan kirib boradi.
Korxonaning marketing urinishlari har bir strategik kvadrantning yo‘nalishini shartlab qo‘yadi. Xususan, bozorga kirish strategiyasi, qoida bo‘yicha, an’anaviy haridorlar bilan tovarlarni rag‘batlantirish, bozor ulushini ko‘paytirish, raqobatchilardan haridorlarni yoki yangi iste’molchilarni jalb qilish. Matritsadan kelib chiqib to‘rtta alternativ strategiyalar qo‘llaniladi.
Bozor rivojlanish strategiyasi — bu asosan yangi iste’molchi segmentlarga, yangi hududiy bozorlarga va yangi sotish tarmoqlariga chiqish.
Mahsulot rivojlanish strategiyasi yaxshilangan yoki yangi tovarlarni tayyorlash (innovatsiya, yangi marka, assortiment modifikatsiyasi, mahsulot parametrlarini yaxshilash, instrumental va emotsional tavsiflarni rivojlantirish) hisobiga sotuv o‘sishiga yo‘naltirilgan.