Samarqand iqtisodiyot va servis instituti marketing kafedrasi

3. Reklamaning faol istiqbolli yo‘nalishlari. brending, direkt-marketing
“Brending” — ma’lum bir yagona g‘oya atrofida birlashgan, bir xilda bezatilgan tovar belgisi, o‘rama, reklama murojaatlari, seylz promoushn materiallari va boshqa reklama elementlarining iste’molchiga birgalikda kuchli ta’sir ko‘rsatishga asoslangan tovarni uzoq muddat afzal ko‘rish hissini hosil qilishga qaratilgan, tovarni raqobatchilar o‘rtasida ajratib ko‘rsatishga va uning obrazini barpo qilishga qaratilgan faoliyatdir.
"Brending" yordamida ko‘p narsaga erishish mumkin. Xususan, u quyidagilarga imkon beradi:

• 
  muayyan bozorda rejalashtirilgan sotuv hajmini qo‘llab-quvatlash hamda bu bozorda iste’molchilar ongida tovar yoki tovarlar oilasi obrazini yaratish va mustahkamlash bo‘yicha uzoq muddatli dasto‘rni amalga oshirish;
  
• 
  tovar assortimenti va jamoaviy obraz yordamida joriy qilinuvchi o‘ziga xos hislatlar haqidagi bilimlarni kengaytirish natijasida foydalilikni oshirish;
  
• 
  reklama materiallari va kampaniyalarida tovar ishlab chiqarilgan mamlakat, mintaqa va shahar madaniyatini aks ettirish, tovar yo‘naltirilgan iste’molchilar so‘rovlari hamda tovarni sotish mo‘ljallangan hududning o‘ziga xosliklarini hisobga olish;
  
• 
  reklama doirasiga murojaat qilishda uchta muhim omil – tarixiy ildizlar, bugungi kungi voqelik va kelajak bashoratlaridan foydalanish.
  

"Direkt-marketing"ning mohiyati reklama agentliklari vositachiligida tovar ishlab chiqaruvchi va iste’molchilar o‘rtasida uzoq muddatli o‘zaro manfaatli va rivojlanib boruvchi hamkorlikni o‘rnatishdan iborat.
Direkt-marketing sohasida reklama agentliklari faoliyatining asosiy yo‘nalishlari quyidagilar hisoblanadi:
- istiqboldagi haridorlarni ular bilan bevosita ikki tomonlama aloqa o‘rnatish uchun shaxsan ajratish;
- ushbu haridorlar bilan muntazam aloqani qo‘llab-quvvatlash;
- tovar va xizmatlarning yangilangan takliflari hamda yanada samaraliroq reklama murojaatlarini sinab ko‘rish yo‘li bilan olinuvchi foyda miqdorini oshirish.