Samarqand iqtisodiyot va servis instituti iqtisodiyot kafedrasi

5. Kadrlar bilan ishlash bo’lim faoliyati to’g’risida
Shahar hokimligi tashkiliy-nazorat guruhining asosiy vazifalari
Guruh rahbari
- Oʼzbekiston Respublikasi Prezidenti devoni, viloyat, shahar hokimligi rahbar kadrlar lavozimlari roʼyxatiga olingan rahbarlarni tanlash, tayinlash, joy-joyiga qoʼyish va ularga amaldagi hamda istiqbolli kadrlar zaxirasini shakllantirish boʼyicha guruhning faoliyatiga rahbarlik qiladi.
- Kadrlar zahirasining sifati uchun shaxsan javob beradi.
- Tashkiliy-nazorat guruhi boshqaruv apparati rahbarlari va mutaxassislarini qayta tayyorlash, ularning malakasini oshirish, ularni ragʼbatlantirish va ularga nisbatan intizomiy jazo choralarini qoʼllash toʼgʼrisidagi takliflarni hokimning koʼrib chiqishi uchun belgilangan tartibda kiritadi.
- Tasdiqlangan lavozimlar nomenklaturasiga muvofiq kadrlarni tanlash, joy-joyiga qoʼyish, mutaxassislarni tayinlash va lavozimidan ozod qilish chora-tadbirlari kompleksini amalga oshiradi, koʼrib chiqilayotgan nomzodlarni har tomonlama oʼrganishni va ular boʼyicha ishonchli materiallar tayyorlanishini tashkillashtiradi.
- Kelgusida hududiy boshqaruv organlari, davlat hokimiyati organlarining rahbarlik lavozimlariga koʼtarish uchun boshqaruv kadrlari zaxirasini shakllantirish ishlarini tashkil etadi.
- Hududiy boshqaruv organlarining, mahalliy davlat hokimiyati organlarining boshqaruv kadrlari faoliyatining tizimli monitoringini olib boradi.
- Boshqaruv kadrlarini hisobga olish, ularning shaxsiy hujjatlar yigʼmajildlarini shakllantirish va yuritish ishlarini tashkil qiladi.
- Zaxiraga kiritilgan boshqaruv kadrlarining kasbiy bilimlarini doimiy takomillashtirish, malakasini oshirish va ularni qayta tayyorlash jarayonini tashkil qiladi.
- Hokimning oʼrinbosarlari bilan birgalikda mutasaddilik qiladigan hokimlik apparati kadrlarini lavozimga tayinlash va lavozimdan ozod qilish boʼyicha takliflar tayyorlaydi.
- Zahiraga olingan kadrlarni bosqichma-bosqich moʼljallangan lavozimga tayyorlab borishni tashkil etadi. Kadrlarni tayyorlab borishning sxemalari tuzilishini taʼminlaydi va uning ijrosini nazoratga oladi.
- Hududni ijtimoiy-iqtisodiy rivojlantirish yuzasidan hududiy boshqaruv organlari ishini tashkillashtirish, ularning ish faoliyatini yaxshilash va takomillashtirish boʼyicha takliflar kiritadi.
- Guruhga kelgan hujjatlarning ijrosini taʼminlaydi.
- Guruhning barcha mutaxassislariga topshiriqlarni beradi va ularning bajarilishini nazorat qiladi.
- Xalq deputatlari shahar Kengashining hamda shahar hokimligining ish rejasi loyihalarini tayyorlashda amaliy yordam koʼrsatadi.
- Shahar hokimligi rahbariyatiga tashkiliy ishlar va kadrlar masalalari boʼyicha guruhning faoliyati hamda tegishli tashkilotlarda olib borilayotgan tashkiliy va kadrlar ishlari toʼgʼrisida axborot beradi va takliflar kiritadi.
- Oʼz vakolati doirasida kadrlarni tanlash, tavsiya etish va almashtirish masalalarini koʼrib chiqadi va shahar hokimligi rahbariyati bilan kelishilgan holda amalga oshiradi.
- Shahar hokimiga guruh xodimlarini, apparat xodimlarini, mahalliy boshqaruv organlari rahbarlarini ragʼbatlantirish yoki ishdan chetlash toʼgʼrisida takliflar kiritadi.
- Samarqand viloyati hokimligi Tashkiliy-nazorat guruhining va shahar hokimining rahbarligida ish olib boradi.
- Davlat mukofotlari bilan taqdirlashga doir hujjatlarni rasmiylashtirish ishlarini tashkil etadi.
- Shahar hokimligida, tashkilot va korxonalarda ijro nazoratini kuchaytirish, ish yuritish va fuqarolar murojaatlari bilan ishlash tizimini yanada takomillashtirish maqsadida Oʼzbekiston Respublikasi qonunlari, Oliy Majlis qarorlari, Oʼzbekiston Respublikasi Prezidenti farmon, qaror va farmoyishlari, Oʼzbekiston Respublikasi Hukumati va viloyat, shahar hokimining hujjatlari ijrosini taʼminlash boʼyicha nazoratini olib boradi.