Samarqand iqtisodiyot va servis instituti ekskursiya xizmatini tashkil qilish

46

Til stili (uslubi) - bu tilning turli-tumanligidir. Odamlaming maishiy hayotdagi tili rasmiy muhitdagi tildan, ilmiy referatlaming nli umumta’Iim maktablari pedagoglari tilidan farq qiladi. Tilning quyidagi stillari mavjud: badiiy, ishchan so‘zlashuv (maishiy), il­ miy, ommaviy, kasbiy-texnikaviy.

Gid tilining stili fikrlaming so‘zdagi ifodasi, nutqining tuzilishi-dir. Boshqa stillardan uni hikoyadagi o‘ziga xos shakli va usuli njratib turadi (masalan: aniqlik, mantiqiylik, obrazlilik, ifodalilik, hissiyotlik, tozaligi, tilning boyligi va h.k.)

Gid tilining individual stili uning kasbiy mahorati darajasi, nutq madaniyatini belgilaydi. Gid tili stilining o‘ziga xosligi uning vazifalariga bog‘liq:

0. 
   tarixiy voqeaning tashqi holatini qayta tiklash;
   

0. 
   kuzatilayotgan obyekt, hikoya qilinayotgan voqea, tabiat hodisalariga isbotiy tavsiflar berish;
   

0. 
   uzoq o‘tmishning tarixiy holatini ekskursantlar his etishini ta’minlash.
   

Gid nutqida «shunday qilib», «xullas», <(qisqasi» kabi standart so‘z va iboralar o‘rinsizdir. Nutq jilosi ham muhim. Gid nutqining ohangi butun ekskursiya davomida yuqoriroq bo‘lishi kerak.

Hikoyaning xarakteri unga qo‘yilgan vazifalarga bog'liq ra-vishda o‘zgaradi. Hikoya darak beruvchi yoki rekonstruksiyalov-chi xarakterda bo‘lishi mumkin. Darak beruvchi hikoya - bu biror voqea, uning sodir bo‘lishi jarayoni haqidagi hikoyadir. Hikoya qiluvchi ekskursantlarda voqealaming qanday va qayerda so­ dir bo'lganligi haqida tasawur uyg‘otadi. Ma’lumotlarni bayon etishning darak stili ko‘pgina ekskursiya jarayonida uchun xos-dir. Rekonstruktiv hikoyada ekskursantlaming xayoliga u yoki bu predmetni awalgi holatini qayta tiklash vazifasi qo‘yiladi (ma­ salan: bizning davrimizgacha yetib kelmagan Afrosiyob qadimiy shahri). Ma’lumotni qabul qilish jarayonini boshqarish orqali gid ekskursantlarga o‘z ongida yaratgan kartinani kocrishni tavsiya etadi.