Samarqand iqtisodiyot va servis instituti bektemirov a., Omonov a. A., Xaydarov z. Sh., Niyozov z. D. Tijorat banklari aktiv va passivlarini

§
11.5. Oʻzbekiston Respublikasi bank tizimini isloh qilish va 
rivojlantirishning zamonaviy bosqichida tijorat banklarining 
kapitallashuv darajasini oshirish boʻyicha belgilangan vazifalar va 
chora-tadbirlar 
Oʻzbekiston Respublikasi Prezidentini 2017-yil 7-fevraldagi PF-4947-sonli 
―Oʻzbekiston Respublikasini yanada rivojlantirish boʻyicha Harakatlar strategiyasi 
toʻgʻrisida‖gi farmoni bilan ―2017-2021-yillarda Oʻzbekiston Respublikasini 
rivojlantirishning beshta ustuvor yoʻnalishi boʻyicha Harakatlar strategiyasi‖ 
tasdiqlandi.
Harakatlar strategiyasida tijorat banklarini kapitallashish darajasiin yanada 
oshirish vazifasi qoʻyildi. 
Ushbu vazifani bajarish maqsadida Oʻzbekiston Respublikasi Prezidentining 
2017-yil 12-sentabrdagi PQ-3270-sonli ―Respublika bank tizimini yanada 
rivojlantirish va barqarorligini oshirishga doir chora-tadbirlar toʻgʻrisida‖gi qarori 
qabul qilindi. 
Mazkur Qarorga muvofiq: 

---

149 
*2017-yil 1-oktabrdan boshlab ustav kapitalini eng kam miqdoriga nisbatan 
talablar quyidagicha belgilandi: 
- tijorat banklari uchun – 100 mlrd. soʻm; 
- mikrokredit tashkilotlari uchun – 2 mlrd. soʻm; 
- lombardlar uchun – 500 mln. soʻm. 
* Oʻzbekiston Respublikasi Moliya vazirligi va Markaziy bankining Tashqi 
iqtisodiy faoliyat Milliy banki va Asakabankni valyutada shakllantirilgan ustav 
kapitalini ushbu xorijiy valyutalarni sotish yoʻli bilan milliy valyutada shakllantirish 
toʻgʻrisidagi taklifi qabul qilindi.
Oʻzbekiston Respublikasi Markaziy bankini 2015-yil 13-iyundagi 14/3-sonli 
(Oʻzbekiston Respublikasi Adliya vazirligi tomonidan 2015-yil 6-iyuldagi 2693-
sonli raqam bilan roʻyxatga olingan) ―Tijorat banklari kapitalini monandligiga 
qoʻyiladigan talablar toʻgʻrisidagi Nizomni tasdiqlash haqida‖gi yoʻriqnomasi 
qabul qilindi. Ushbu yoʻriqnomada respublikamiz tijorat banklari regulyativ 
kapitalini yetarliligiga nisbatan belgilangan minimal talablarni bosqichma-bosqich 
oshirib borish talabi oʻz aksini topdi (11.5.1-rasm).