Samarqand iqtisodiyot va servis instituti bank moliya xizmatlari fakulteti

2022 yilda yirik soliq to‘lovchilarning davlat budjeti tushumlaridagi ulushi qancha bo‘lishi ma'lum qilindi

2022 yilda eng yirik 10 ta soliq to‘lovchining davlat budjeti tushumlaridagi ulushi qariyb 37 foiz bo‘lishi prognoz qilinmoqda.

2022 yil uchun Davlat budjeti daromadlari 200 trln so‘m yoki yalpi ichki mahsulotning 23,8 foizi miqdorida bo‘lishi prognoz qilinmoqda. Bu ko‘rsatkich 2021 yilda 170,9 trln so‘m yoki YaIMning 23,6 foizi miqdorida bo‘lishi belgilangandi. Kelayotgan yilda Davlat budjeti xarajatlari 214,8 trln so‘mni yoki YaIMga nisbatan 25,6 foizni (2021 yilda 190,8 trln so‘m yoki YaIMga nisbatan 26,4 foiz hisobida bo‘lishi kutilmoqda) tashkil etishi rejalashtirilgan.

Budjet daromadlari ko‘p jihatdan yirik soliq to‘lovchi korxonalar iqtisodiy holatiga bog‘liq bo‘ladi va 2022 yilda ularning eng yiriklarining davlat budjeti tushumlaridagi ulushi quyidagicha:

• 
  «Navoiy kon-metallurgiya kombinati» DK – 17,82 foiz;
  
• 
  «Olmaliq kon-metallurgiya kombinati» AJ – 9,4 foiz;
  
• 
  «O‘ztransgaz» AJ – 1,89 foiz;
  
• 
  «O‘zbekneftgaz» AJ – 1,7 foiz;
  
• 
  «Uzbat» AJ – 1,5 foiz;
  
• 
  «Hududgazta'minot» AJ – 1,26 foiz;
  
• 
  «Uz-KorGasChemicalQK» MChJ – 0,78 foiz;
  
• 
  «O‘zbekiston metallurgiya kombinati» AJ – 0,76 foiz; 
  
• 
  «Uzauto Motors» AJ – 0,73 foiz;
  
• 
  «Buxoro neftni qayta ishlash zavodi» MChJ – 0,6 foiz.
  

Malumot uchun, 2021 yilning birinchi yarmida yirik soliq to‘lovchilar tomonidan to‘langan soliqlar jami soliq tushumlarining 66,2 foizini tashkil etgan. Ularning soni esa 1124 taga yetgan.

Davlat budjetining 2019-yilgi daromad va xarajatlari ma’lum qilindi

Oliy Majlis Senatida O‘zbekiston Respublikasi Bosh vaziri o‘rinbosari, moliya vaziri J.Qo‘chqorovning «O‘zbekiston Respublikasining 2019-yilgi Davlat budjeti, davlat maqsadli jamg‘armalarining budjetlari hamda soliq va budjet siyosatining asosiy yo‘nalishlari to‘g‘risida»gi ma’ruzasi eshitildi. Bu haqda «O‘zA» xabar bermoqda.
2019 yilda ish haqi va unga tenglashtirilgan to‘lovlarning jami xarajatlardagi qismi 54,5 foizni tashkil qilishi, budjet tashkilotlari xodimlarining ish haqi, pensiyalar, ijtimoiy nafaqalar va stipendiyalar miqdorini har yarim yilda o‘tgan yilgi inflyasiya darajasidan past bo‘lmagan miqdorlarda oshirish ko‘zda tutilgan. 2019-yil 1-yanvardan boshlab ijtimoiy nafaqalar miqdorlari absolyut summada belgilanadi.
Mamlakatimizning bosh moliyaviy hujjati iqtisodiyotning barcha darajalarida barqarorlikni ta’minlash, davlatning o‘z funksiyalarini muvaffaqiyatli bajarishi va yurtimizning taraqqiyot yo‘lida sobitqadam bo‘lishini ta’minlaydi.
Ushbu masala yuzasidan Senatning Budjet va iqtisodiy islohotlar masalalari qo‘mitasi raisi M.Jumagaldiyev so‘zga chiqdi. U o‘z so‘zida 2019-yilgi soliq siyosatining e’tiborli jihati shundaki, kelgusi yildan boshlab mamlakatimiz soliq siyosatida mutlaqo yangi tizim joriy etiladi, deya qayd etdi.
Kelgusi yilda Davlat budjeti daromadlari, davlat maqsadli jamg‘armalarini hisobga olmagan holda, 102 trln. 627 mlrd so‘mni, xarajatlari esa 107,1 trln. so‘mni tashkil etadi.
O‘zbekiston Respublikasining 2019 yilgi Davlat budjeti, davlat maqsadli jamg‘armalarining budjetlari hamda soliq va budjet siyosatining asosiy yo‘nalishlari joriy yildan farqli ravishda yalpi ichki mahsulotga nisbatan 1,1 foiz miqdorida defitsit bilan yakunlanishi belgilangan.