Samarqand Davlat Universiteti yo’nalishi fakulteti

Samarqand Davlat Universiteti
___________________________ yo’nalishi ____________________fakulteti
4-bosqich _____-guruh talabasi Sharopova Zarifaga
TAVSIFNOMA
Amaliyotchi talaba Sharopova Zarifa Samarqand viloyati, Toyloq tumani __- umumta'lim maktabiga _______ oyining ____-sanasidan ________ oyining _____-sanasigacha malakaviy o'quv amaliyotini o'tadi. Amaliyotning tayyorlov bosqichida talaba maktab sharoiti, rahbariyat tarkibi, maktab o'qituvchilari va o'quvchilari bilan tanishdi.
Amaliyotning asosiy bosqichida talaba Sharopova Zarifa o'ziga biriktirilgan guruh va guruh rahbarining maktabdagi faoliyati bilan yaqindan tanishdi. Biologiya va boshqa fan o'qituvchilarining darslariga kirib kuzatdi, darslarni tahlil qildi. O'quv va tarbiyaviy ish rejalar bilan tanishib, ular asosida o'zi o'quv va tarbiyaviy ish rejalar tuzdi. Shuningdek, o'quv muassasasidagi mavjud dasturlar, darsliklar, uslubiy qo'llanmalar bilan tanishib, o'rganib chiqdi. O'ziga berilgan kundalikni to'ldirib bordi. Talaba Sharopova Zarifa faol amaliyotga kirishdi, o'qituvchilarning amaliy va nazariy darslariga, ochiq tarbiyaviy soat va darsdan tashqari tadbirlar o'tkazishda faol ishtirok etdi. Amaliyotchi dars jarayonida ham juda faol ishtirok etdi. Dars davomida ko'rgazmali qurollar, multimedia vositalari va tarqatma materiallardan foydalanishda fan o'qituvchisiga yordam berdi va dars jarayonida bevosita ishtirok etdi.
Shuningdek, u o'zining xushmuomalaligi, kirishuvchanligi hamda hamisha quvnoq kayfiyatda o'quvchilar bilan munosabatda bo'lishi orqali maktab o'quvchilarida iliq taassurot qoldirdi. Sharopova Zarifa o'zining pedogogik ko'nikmalarini mustahkamlash maqsadida o'quvchilarga 10-15 daqiqaga mo'ljallangan mikro-dars ham o'tdi.Shuningdek u o'tkazgan tarbiyaviy soat darsi ham sinf rahbari tomonidan yuqori baholandi. Tarbiyaviy soat mavzusi keng qamrovli, ma'naviy va madaniy tarbiyaga asoslangan bo'lib, bolalar ongiga ezgu g'oya va fikrlarni singdirish uchun maxsus tayyorlangan, shu bilan birga amaliyotchi tomonidan mavzu a'lo darajada yoritib berildi.
Umuman olganda, amaliyotchi har tomonlama pedagog faoliyatini o'rganishda faollik ko'rsatdi va amaliyotda sinab ko'rishga ham erishdi. O'quvchilar bilan tez til topisha oldi, fan o'qituvchilari hurmatiga sazovor bo'ldi. O'ziga yuklatilgan vazifani tajribali o'qituvchilar singari vaqtida va aniq bajarishga harakat qildi.
Amaliyotchi talaba amaliyot davrida ko'zlagan maqsadiga: o'qituvchilik kasbini o'rganish, maktab hayoti hamda faoliyati bilan tanishishga erishdi.
Sharopova Zarifaning uddaburonligi, tirishqoqligini nazarda tutgan holda unga maktab ma'muriyati 5 baho qo'yishni tavsiya etadi.
Maktab amaliyot rahbari: _________________
Maktab direktori: _________________