Samarqand davlat universiteti o. E. Toshmurodov, B. B. Kipchakov, A. T. Umarov kurash turlari va uni

jamoalar birinchiligida har bir jamoaning olgan o‘rni aniqlanadi;

shaxsiy va jamoalar birinchiligida har bir qatnashchining olgan o‘rni va shunga qarab, har bir jamoaning olgan o‘rni aniqlanadi;

ochiq gilam birinchiligida har bir kurashchi o‘zining sport klassifikatsiyasi, unvoni va mahoratini oshirish uchun kurashadi;

mutlaq birinchilikda: har qanday kurashchi vazn toifasidan qat’iy nazar (bosh hakam ruhsati bilan) qatnashish huquqiga ega;

3. 
   Hakamlar hay’ati tarkibi va ularning vazifalari
   

1. 
   Har bir musobaqani o‘tkazishdan oldin shu musobaqani o‘z hududida tashkil qilayotgan davlat musobaqada xizmat qiladigan hakamlar ro‘yxatini musobaqa miqiyosiga qarab kurash federatsiyasiga taqdim qiladi va bu federatsiyalar tomonidan tasdiqlangan hakamlar ana shu musobaqada xizmat qilishga haqlidirlar. Har bir xalqaro turnir, qit’alar chempionati va birinchiligi, jahon chempionat va birinchiliklarida faqatgina Kurash Xalqaro Assotsiatsiyasi tomonidan tasdiqlangan va maxsus sertifikatga ega bo‘lgan hakamlar faoliyat ko‘rsatadi.
   
2. 
   Hakamlar hay’ati tarkibi:
   

• 
  bosh hakam;
  
• 
  bosh hakam yordamchilari, ularning soni, musobaqalar o‘tkaziladigan gilamlar sonidan bir kishiga ko‘p bo‘lishi lozim;
  
• 
  bosh kotib va gilamlar kotiblari;
  
• 
  gilamdagi hakamlar va yon hakamlar;
  
• 
  vaqtni nazorat qiluvchi hakam;
  
• 
  tablodagi hakam;
  
• 
  e’lon qiluvchi hakam;
  
• 
  musobaqa komendanti;
  
• 
  musobaqaning tibbiy xodimi (shifokor).
  

Bosh hakam musobaqaning, kurash qoidalariga asosan tashkil qilinishi va o‘tkazilishiga mas’ul shaxsdir. Bosh hakam ko‘rsatmalarini kurashchilar, guruh boshliqlari, murabbiylar, hakamlar va barcha qatnashchilar bajarishlari shart.