Samarqand davlat universiteti maktabgacha ta’lim fakulteti

Mavzuning ishlanganlik darajasi:
Ta’lim tizimida Montessori metodikasidan foydalanish bo`yicha Yakimova Marina Nikolayevna(“Maktabgacha ta’lim xodimlarini tayyorlash va qayta tayyorlashning zamonaviy tizimida Mariya Montessori pedagogikasi” 2000-yil), Dorofeev Andrey Fyodorovich(“Germaniyaning maktabgacha va maktab ta’limi muassasalarida Mariya Montessori pedagogikasi g`oyalarini amalga oshirish” 2003-yil), Rudakova Nadejda Nikiforovna (“Mariya Montessori pedagogik tizimida o`qituvchilarni uzluksiz o`qitishning o`ziga xos xususiyatlari” 2003-yil), Maksutova Lyubov Andreevna (“O`qituvchilarni kasbiy tayyorlashda Mariya Montessorining pedagogik merosini amalga oshirish” 2010-yil), Kondratova Yelena Aleksandrovna (“Mariya Montessori pedagogik konsepsiyasi g`oyalari va tamoyillarini milliy ta’limda amalga oshirish shartlari” 2003-yil), Timonina Anastasiya Andreevna (“Mariya Montessorining pedagogik tizimida o`quvchilarning ijtimoiy moslashuvi” 2012-yil) tomonidan tadqiq etilgan.
Biroq maktabgacha ta’limda Mariya Montessori metodikasidan foydalanish usullari, uning didaktik imkoniyatlari, shakl, metod va vositalari alohida tadqiq etilmagan. Ana shu sababli dissertatasiya mavzusini “Maktabgacha ta’lim tashkilotlarida Mariya Montessori metodikasidan foydalanish usullari” tarzida tanlab oldik.
Tadqiqot maqsadi.
Maktabgacha ta`lim tashkilotlarida Mariya Montessori metodikasidan foydalanish usullarining ahamiyatini asoslash.
Tadqiqot vazifalari. Ushbu maqsadni amalga oshirish uchun quyidagi vazifalar qo`yilgan:

• 
  Mavzuning dolzarbligini asoslash; 
  
• 
  Hozirgi zamon fan tadqiqotlarida maktabgacha ta`lim tashkilotlarida Mariya Montessori metodikasidan foydalanish usullari masalasini tahlil qilish.
  
• 
  Maktabgacha ta`lim tashkilotlarida Mariya Montessori metodikasidan foydalanish usullari ahamiyatini ko‘rib chiqish.
  
• 
  Maktabgacha ta`lim tashkilotlarida Mariya Montessori metodikasidan foydalanish usullarini tahlil qilish va asoslash.