Samarqand davlat universiteti biologiya fakulteti botanika kafedrasi

4. Botanikaning rivojlanishi to‘g‘risida qisqacha ma’lumot. 
O‘simliklar haqidagi dastlabki yozma ma’lumotlar qadimgi Xitoy, Hindiston, Misr, Yaqin 
Sharq  mamlakat  xalqlari  orasida  bo‘lgan,  lekin  o‘sha  qo‘lyozmalar  bizga  etib  kelmagan. 
Mashhur  yunon  faylasufi  va  tabiatshunos  olim  Aristotel  (eramizdan  avvalgi  384-322  yillar) 
o‘simliklar  haqida  ancha  ma’lumotlar  to‘plagan.  Uning  «O‘simliklar  nazariyasi»  nomli  kitobi 
bizning davrimizgacha etib kelmadi.  
Aristotelning  shogirdi  Teofrast  (371-286  yillar)  botanika  tarixida  birinchi  bo‘lib 
«O‘simliklarni  tabiiy  tarixi»  degan  kitobida  o‘simliklarni  tashqi  qiyofasiga  asoslanib  to‘rt 
guruhga:  daraxt,  buta, chala  buta va  o‘tlarga  ajratadi.  Ildiz, poya va  bargni ahamiyatini  yozadi, 
lekin meva va urug‘ni farqini aniq tasavvur etolmagan. Teofrast juda ko‘p o‘simliklarni bilgan, 
ulardan  foydalanish  va  sun’iy  sharoitda  o‘stirishga  alohida  e’tibor  bergan.  Teofrastni  asarlari 
botanikani  rivojlanishida  katta  ahamiyatga  ega  bo‘lgan,  shuning  uchun  Karl  Linney  uni 
«botanika fanining otasi» deb atagan. 
Qadimgi  yunon  va  rim  tabiatshunoslarini  ishlarida  botanika  mustaqil  fan  tariqasida 
rivojlanmasdan  qoldi,  chunki  o‘sha  davrdani  tabiatshunoslar  asosan  dorivor  va  dehqonchilik 
uchun kerakli o‘simliklarni izohlash bilan cheklandi. Jumladan Rim tabiatshunosi Pliniy Starshiy 
(23-79  y.)  «Tabiat  tarixi»  degan  asarda  1000  ga  yaqin  o‘simliklarni  tasvirlab,  dorivor 
o‘simliklarga  ko‘proq  e’tibor  bergan.  Yunon  olimi  Dioskarid  (yangi  eraning  79  yilida  vafot 
etgan)  uning  «Dorivor  moddalar»  degan  kitobida  500  dan  ortiq  o‘simliklar  ta’riflab,  ularni 
tarqalgan va o‘sadigan joylarini bayon etdi. Uning bu asari botanika va tibbiyot tarixida muhim 
o‘rin egalladi. 
IX-X  asrda  antik  dunyo  tabiatshunoslari  islom  mamlakatlarida  ancha  rivoj  topdi.  Abu 
Sulaymon  Xindiston,  Xitoy  o‘lkalariga  sayohat  tashkil  etib,  u  yerda  ko‘p  miqdorda  shifobahsh 
o‘simliklarni  yig‘ib  tasvirlaydi.  Biroq  o‘rta  asrning  feodal  tuzimi  xukumronlik  qilgan  og‘ir 
kulfatli zamonlarda botanika fani vaqtincha to‘xtadi. Shunga qaramasdan mashhur olim Abu Ali 
Ibn  Sino  (900-1027)  asarlari  islom  mamlakat  fanining  cho‘qqilaridan  joy  oldi.  Uning  «Tib 
qonunlari» asari O‘rta Osiyo, Yaqin Sharq va Evropa mamlakatlarida XV-XVII asr davomida bir 
necha marta nashr etildi. Bu kitob botanika fanining rivojlanishiga salmoqli ta’sir etdi. 
Botanikaning rivojlanishi XV asrga,  ya’ni uyg‘onish davriga to‘g‘ri keldi. Bu davr buyuk 
geografik  kashfiyotlar  bilan  xarakterlanadi. 1492  yilda  Xristofor  Kolumb  Amerikaga, 1498  yili 
Vasko  de  Gama  dengiz  yo‘li  orqali  Afrika  qirg‘oqlarini  aylanib  Hindistonga  boradi.  U  yerdan 
juda ko‘p miqdorda manzarali va oziq -ovqat, dori darmon bo‘ladigan o‘simliklarni gerbariysini, 
urug‘, meva tuganaklari olib kelinadi. Olib kelingan o‘simliklar botanika bog‘larida (Italiyada-
1309 y. Salernoda: 1333 y. Venesiyada) ekib o‘stiriladi. Ana shu davrdan boshlab giyohnomalar 
paydo  bo‘ladi.  Birinchi  kitob  1406  yili  Xitoyda  Chou  tomonidan  chiqariladi.  Evropada 
giyohnomalar  XV  boshlarida  nashr  etiladi.  Giyohnomalarda  keltirilgan  morfologiyasiga  oid 
atamalar ham ishlangan. 
XV  asrning  oxiri  XVI  asrning  boshida  yashagan  mashhur  o‘zbek  olimi  Zahriddin 
Muhammad  Bobur  (1483  –  1530  yil)  tabiat  sohasidagi  kuzatishlar  bilan  botanikaga  salmoq  li 
hissa  qo‘shgan.  Uning  mashhur  asari  «Boburnoma»  da  O‘rta  Osiyo,  Afg‘oniston  va  Hindiston 
o‘simliklari haqida qiziqarli ma’lumotlar keltirilgan. 
XVI-XVII asrda juda ko‘p xilma-xil o‘simliklar to‘plandi, bu o‘simliklarni aniqlab ma’lum 
bir  sistemaga  solish  vazifasi  turar  edi.  O‘simliklarni  ta’riflab  sistemaga  solishda  morfologik 
atamalar muhim ahamiyatga ega bo‘ldi. 
Italiyalik botanik Andreo Sezalvin o‘simliklarni sun’iy sistemasini yaratishda u o‘simliklar 
dunyosini  ikkiga:  yog‘ochli  o‘simliklarga  (daraxt  va  buta)  chala  buta  va  o‘t  o‘simliklarga 
bo‘linadi. Ularni sinflarga ajratishda meva, uya va urug‘lar sonini hamda murtak tuzilishini asos 
qilib  oldi.  Sinfdan  kichikroq  guruhlarni  yaratishda,  gulning  tuzilishini  tugunchaning  ostki  va 
ustki qismdan iborat bo‘lishini hisobga oldi. 

---

 
44 
Mashhur  Shved  tayuiatshunosi  Karl  Linney  (1707-1778)  «Botanika  falsafasi»  (1751) 
degan  kitobida  mingga  yaqin  atamalarni  tuzadi,  gul  va  barg  tuzilishini  tasvirlaydi.  Linney  o‘zi 
tuzgan atamalar asosida 1753 yili «O‘simlik turlari» degan mashhur asarni bunyod etadi. 
XVI  asrning  oxiri  va  XVIII  asrning  boshlarida  taqqoslash  uslubini  qo‘llash  natijasida 
o‘simlik organlarining metamorfozi to‘g‘risidagi  ta’limot maydonga  keldi. Bu ta’limot F. Volf 
(1733-1794)  va  mashhur  nemis  shoiri  va  tabiatshunosi  N.V.  Gyote  (1749-1832)  ayniqsa  O.P. 
Dekandol va boshqalarni nomi bilan bog‘liq. 
K.F.  Volf  o‘simlik  organlarini  o‘sish  nuqtasidan  hosil  bo‘lishi,  gul  qismlari  (gulkosa  va 
gultoji) shakli o‘zgargan barg deb ta’riflaydi. 
Mashhur nemis shoiri va tabiatshunosi Iogani Volftang Gyote (1749-132) o‘z ta’limotlari 
bilan o‘simliklar morfologiyasini nazariy jihatdan asoschisi hisoblanadi. 1790 yilda «O‘simliklar 
metamorfozi  to‘g‘risida  tajriba»  asarida  urug‘palla,  gulbarg,  changchi,  urug‘chi  kabilar  oddiy 
vegetativ  bargning  shakli  va  funksiyasi  o‘zgarishidan  kelib  chiqqan  degan  gapni  ilgari  surdi. 
O‘simlik  organlarini  metamorfozi  (o‘zgaruvchanligi)  ontogenez  (individual  taraqqiyot)  davrida 
uch xil: aniq yoki progressiv, noaniq yoki regressiv hamda tasodifan bo‘lishligini aniqlagan. 
Shvedsariyalik  botanik  O.P.  Kandol  (177-141)  o‘simliklarni  tuzilish  qonuniyatlarini 
o‘rgandi.  Masalan,  gul  shaklan  o‘zgargan  novda,  uni  bo‘g‘in  oralig‘i  qisqargan,  changchilar 
buzilib shaklan tojbarglarga aylangan.  
Mashhur  fizik  Robert  Guk  (1635-1703)  mustaqil  ravishda  yorug‘  o‘tkazuvchi  mikroskop 
yasadi, bu mikroskop ostida po‘kak va o‘simlik kesmasini ko‘zdan kechirib, bir talay katakchalar 
borligini kuzatdi: 1665 yili fanda birinchi bo‘lib, o‘simliklarni hujayradan bo‘lganligi isbotlandi. 
Keyinchalik  italiyalik  M.  Malpigiy,  ingliz  N.  Gryu  bir  vaqtni  o‘zida,  bir-biridan  mustasno 
o‘simliklarni  ichki  tuzilishi  (hujayra,  to‘qima)  larini  yozib,  uni  ahamiyatini  tushuntirishga 
harakat qildi. 
Nemis botanigi M.Ya. Shleyden (1804-1881) barcha o‘simliklar hujayradan tuzilganligini 
isbotladi.  1838  yilda  M.  Shleyden  o‘zining  asarlarida  o‘simlik  tanasi  asosan  hujayralardan 
tashkil  topgan  degan  nazariyani  e’lon  qildi.  Oradan  bir  yil  o‘tgandan  keyin  T.  Shvan  (1810-
1882) hujayra nazariyasini ta’riflab berdi. 
Rossiyada  taqqoslash  (solishtirma)  morfologik  ta’limni  rivojlantirishda  Moskva 
dorilfununining professori botanik Ivan Nikolaevich Gorojankin (1883  yilda qarag‘ay daraxtida 
urug‘lanish  misolida  ignabarglilardagi  jinsiy  prosessni  aniqladi.  Bu  ish  arxegoniat  o‘simliklar 
to‘g‘risidagi tushunchani aniqlashga imkon yaratdi.  
I.N.  Gorojankinning  shogirdi  V.I.  Belyaev  (1890)  yuksak  sporali  o‘simliklardan  erkak 
gametofitning  taraqqiyoti  va  tuzilishini  taqqoslash  (solishtirma)  morfologik  uslub  asosida 
o‘rgandi. SHuningdek ignabarglilarda chang naychasining taraqqiyoti va tuzilishini tekshirdi. U 
ko‘pgina kuzatishlardan so‘ng spermatazoid mag‘iz va protoplazmadan iborat ekanini aniqladi. 
Bu sohadagi ishlar bilan Belyaev butun dunyoga tanildi. 
Jeleznov  N.I.  (1816-1877)  «Murtakning  kelib  chiqishi  va  o‘simliklarning  paydo  bo‘lish 
nazariyasi» to‘g‘risida ilmiy asar yozgan, fanda birinchi bo‘lib, gulning ontogenezini o‘rgangan. 
Kiev  dorilfununining  professori  Sergey  Gavrilovich  Navashin  (1857-1930)  ning  xizmatlari 
salmoqlidir. S.G. Navashin 1889 yilda o‘zining muhim kashfiyotini e’lon qildi. U yopiq urug‘li 
o‘simliklarda  ko‘p  urug‘lanishning  mavjudligini  isbotladi.  Navashinning  bu  ishi  biologiya 
fanining eng katta yutuqlaridan hisoblanadi. 
XIX  asrning  boshida  botanikada  o‘simliklar  geografiyasi  ajralib  chiqdi.  Bu  fanni 
asoschilaridan  biri  Aleksandr  Fridrix  Vilgelm  Gumbold  (1769-1859)  hisoblanadi.  Gumbold, 
asosan  iqlimga  va  uning  o‘simliklar  tarqalishi  hamda  tashqi  ko‘rinishi  bilan  bog‘liqligi 
masalasiga  katta  e’tibor  berdi.  Uning  bu  sohadagi  ishlari  o‘simliklar  geografiyasining 
rivojlanishida katta rol o‘ynadi. 
O‘simliklar  morfologiyasi  va  geografiyasining  rivojlanishida  A.N.  Beketov  (1825-1902) 
ning  xizmatlari  beqiyosdir.  A.N.  Beketov  o‘simliklar  morfologiyasi  «Oliy  botanika»  deb 
ta’riflaydi.  U  o‘simliklar  vegetativ  organlarini  tuzilish  qonuniyatlari  masalalari  bilan 
shug‘ullangan.  A.N.  Beketov  yangi  organlarning  hosil  bo‘lishda  tashqi  muhit  hal  qiluvchi  rol 
o‘ynaydi deb ko‘rsatadi. 1896 yil uning «O‘simliklar geografiyasi» degan kitobi chiqadi. 

---

 
45 
1922  yilda  Kozo  -  Polyanskiyning  nazariy  morfologiya  va  gulli  o‘simliklarni  filogenezi 
to‘g‘risida ilmiy ishlari bosib chiqildi. U o‘simliklarga mansub biogenetik qonun ishlab chiqdi, 
ontogenez  va  filogenez  masalalarini  muhokama  qildi.  Moskva  dorilfununining  professori  M.I. 
Golenkin  (1864-1941)  suvo‘tlarning  ontogenezi  bilan  shug‘ullangan.  1927  yilda  yopiq  urug‘li 
o‘simliklarning bor davrida tarqalish sabablari to‘g‘risidagi nazariyani rivojlantirdi. Evolyusiya 
prosessida  yopiq  urug‘li  o‘simliklarning  vegetativ  organlari  o‘zgarib  turuvchi  tashqi  muhitga 
moslashganligini ko‘rsatdi. 
Yirik Rossiya olimi N.I. Vavilov (187-1941) tomonidan ta’riflab berilgan gomologik qator 
ta’limotini  tadbiq  etib,  hayvonlar  va  o‘simliklar  dunyosi  taksonomik  birliklarining  filogenetik 
aniqlash qonun yaratildi. 
Sobiq  Sovet  davrida  o‘simliklar  morfologiyasi  sohasida  bir  qancha  yirik  tadqiqotchilar 
etishdi.  I.G.  Serebryakov  ekologik  morfologiya,  N.N.  Kaden  karpologiya,  A.G.  Taxtadjyan 
yuksak o‘simliklarni evolyutsion morfologiyasi, V.G. Aleksandrov yopiq urug‘li o‘simliklarning 
generativ  organlari  sohasida  ilmiy  ishlar  bilan  namoyon  bo‘ldilar.  V.G.  Aleksandrov  va  uning 
shogirdi  madaniy  o‘simliklarning  anatomiyasi,  P.A.Baranov,  O.N.  Radkevich,  V.K. 
Vasilevskaya ekologik-anatomiya sohasida ishlab amaliy masalalarni hal qilishga erishdilar.  
O‘zbekiston  F.A  ning  botanika  institutida  hozirgi  va  qazilma  o‘simliklarni  o‘rganish  va 
o‘simliklardan  ratsional  foydalanib  ish  olib  borayapti.  Bu  sohada  yirik  monografiyalar  nashr 
etildi.  Beruniy  mukofotiga  sazovor  bo‘lgan  6  jildli  «O‘zbekiston  florasi»,  akademik  E.I. 
Korovinning  2 jildli  «O‘rta  Osiyo  va Janubiy  Qozog‘istonning  o‘simliklar  qoplami»,  akademik 
K.Z. Zokirovning 2 jildli «Zarafshon daryosi havzasining florasi va o‘simliklarning qoplami» va 
10 jildli «O‘rta Osiyo o‘simliklarining aniqlagichi» kabi monografiyalar nashr etildi. 
Respublikamizda o‘nlab yirik universitetlar va pedagogik institutlarda botanika kafedralari 
bo‘lib,  ularni  ilmiy  ishlari  o‘lkamizni  «florasi»  ni,  o‘simliklar  qoplamini  o‘rganib,  undan 
ratsional foydalanishga qaratilgan. 
Atrofimizni  o‘rab  olgan  tabiat  tirik  va  o‘lik  jismlardan  iborat.  Mashxur  Shved  olimi  K. 
Linney  (VIII  asr)  da  tirik  va  o‘lik  tabiatni  ikki  olamga:  O‘simliklar  (yoki)  va  hayvonlarga 
ajratgan.  Ammo,  XX  asr  o‘rtalariga  kelib,  turli  organizmlarni  hujayrasi  chuqur  o‘rganilgandan 
so‘ng  hamma  tirik  organizmlar  prokariot  (yunon.  -  «pro»  -  oldin,  «kariot»  -  yadro),  ya’ni 
yadrogacha  va  eukariot  (yunon  «eu»  -  yaxshi,  «kariot»  -  yadro),  chin,  asl  yadrolilarga  bo‘lib 
o‘rganilmoqda.