Samarqand davlat universiteti biologiya fakulteti botanika kafedrasi

48-rasm. Gulning tuzilishi: 
1 – gul (uzunasiga kesma); 2 - gulbandi; 3 - kosachabarg;  
4 – gultojibarg; 5 - ginetsey; 6 – androtsey. 
 
Gulda  jinsiy  jarayonning  sporogenez  va  gametogenez  sodir  bo‘ladi.  Gul  o‘qi  (qisqargan 
novda)  yoki gul o‘rni torus (lot. torus-joy, o‘rin)  deb ataladi.  Gul o‘rni bir muncha  yassi (pion, 
ayiqtovon, malina-  va  boshqalarda),  konussimon  (na’matak), botiq (olxo‘ri,  olcha)  bo‘ladi.  Gul 
o‘rnida gulning hamma qisimlari: gulkosa, gul toji, changchi, urug‘chilar o‘rnashadi. Gul o‘rni 
tagida  gulni  ushlab  turuvchi  gulbandi  yoki  dasta  bo‘ladi.  Agar  gul  bandi  taraqqiy  etmasdan 
qolsa,  unday  gul  bandsiz  gul  yoki  o‘troq  gul  deb  ataladi.  Gul  bandi  yoki  guldasta  ostida  ikki 
pallali o‘simliklarda ikkita, bir pallali o‘simliklarda bitta gul oldi bargcha bo‘ladi.  
Novdaning  yonida  joylashgan  gullarda  gulning  q  o  p  l  o  v  ch  i  bargga  qaragan  tomoni 
oldingi yoki pastki yoki a b a k s i a l (lot. ad-dan, aksial-o‘q) deb ataladi. Novda o‘qiga qaragan 
qarama-qarshi  tomoni  orqa  yoki  ustki  bo‘lsa    a  d  a  k  s  i  a  l  (lot.  ad-ga-biror  narsaga  qarab 
borish)  deb  ataladi.  Novdaning  gul  chiqan  o‘qi,  gul  o‘rtasi  va  qoplovchi  bargning  markaziy 
tomoni orqali o‘tgan tik tekislik o‘rta m e d i a n (lot. medians-o‘rta) deb ataladi. O‘rta tekislikka 
to‘g‘ri burchak ostida joylashgan va novda o‘qi orqali o‘tadigan tekislik ko‘ndalang transversal 
(lot. transversalis-ko‘ndalang) tekislik deb ataladi. Tekislik gul simmetriyasida yaqqol ko‘rinadi. 
Masalan, gulning biror o‘qidan faqat ikkita simmetriya o‘tkazilsa, uni biosimmetriya (lot. bio-
ikki,  simmetriya-teng)  yoki  b  i  l  a  t  e  r  i  a  l  (lot.  lateralis-yon  tomon)  deb  ataladi.  Bundan 
tashqari to‘g‘ri yoki aktinomorf, noto‘g‘ri zigomorf va assimetrik gullar ham uchraydi. 
Kosacha 
bilan 
gultojlarning 
ikkalasi 
birgalikda 
gulqo‘rg‘onini  tashkil  etadi. 
Gulqo‘rg‘onining bo‘lishi yoki bo‘lmasligi va uni tuzilishiga qarab gul to‘rt xil bo‘ladi. 
1.  Agar  gulqo‘rg‘on  bir  xil  oddiy  kosachasimon  yoki  tojsimon  bo‘lib,  gul  o‘rnida 
navbatlashib joylashsa (magnoliya, kupalnisa, liliya) – g o m o x l a m i d gul deb ataladi. 
2.  Gulqo‘rg‘oni  murakkab  (qo‘shaloq)  kosacha  bilan  tojga  ajralgan  (chinnigul,  no‘xat, 
o‘rik, olma va boshqalar) bo‘lsa, g e t e r o x l a m i d deb ataladi. 
3. Gulqo‘rg‘on bir qator bo‘lib, faqat kosachasimon (gazanda, qayrag‘och, alabuta) bo‘lsa 
– g a p l o x l a m i d gul deb ataladi.  
4.  Gulqo‘rg‘on  bo‘lmagan  va  faqat  sporofillar  (androtsey  changchilar,  ginetsey-urug‘chi) 
lardan yuzaga kelgan gullar – a x l a m i d yoki ochiq (qoplangichsiz) gullar deb ataladi.