Samarqand davlat universiteti biologiya fakulteti botanika kafedrasi

25-rasm. Novdaning shoxlanish turlari: 
A - dixotamik (plaun - Lycopodium clavatum); B - monopodial (archa - Juniperus 
communis); V - simpodial (olma -Malus domestica); G – soxta dixotamik (zarang - Acer 
tatarica). 
 
Yon shoxlanishda o’q sistemasi monopodial yoki simpodial bo’lishi mumkin. Monopodial 
shoxlanishda asosiy o’sish konusi uzoq vaqt  o‘sadi,  yon shoxlar esa (qo‘ltiq) barg qo‘ltig‘idan 
shakllanadi (yon kurtaklar ham uchidan o‘sadi). Bunda o’sish konusi o‘zining kuchli rivojlanishi 
bilan farq qiladi  (daraxtlar: qarag‘ay, qoraqarag‘ay, terak, eman, shumtol, buk;  o‘tlar: sebarga, 
zubturum, qoqio‘t, qo‘ng‘iroqgul). 
Simpodial  shoxlanish  –  o’sish  konusining  bo`linishi  bilan  xarakterlanadi.  Uchki  qo’ltiq 
kurtaklardan  asosiy  poyaga  aylanuvchi  yangi  novda  rivojlanadi.  Bu  poya  almashinuvchi  poya 
deb  ataladi.  Natijada  asosiy  o‘q  (tana)  rivojlanadi.  Yon  shoxlar  simpodiy  tipi  bo‘yicha 
rivojlanadi.  Ko‘pgina  daraxt,  butalar  shunday  shoxlanadi  (jo’ka,  oqqayin,  olma,  nok,  gilos, 
shaftoli)  butalardan  (brusnika,  bagulnik)  bu  shoxlanish  tipi  o‘tsimon  o‘simliklarda  keng 
tarqalgan (ituzumdoshlar, yertut bug‘doydoshlar, iloq, sebarga).  
Simpodial  shoxlanishning  o‘ziga  xos  shakli  soxta  dixotamik  shoxlanishdir.  Bunday 
shoxlanish  tipida  apikal  nuqta  nobud  bo‘ladi,  uchki  kurtak  ostidagi  qarama-qarshi  joylashgan, 
yon  kurtaklar  o‘sishda  davom  etadi.  Soxta  dixotamik  shoxlanish  chinnigul,  nastarin,  soxta 
kashtan va boshqa o‘simliklarda kuzatiladi. 
Turli xil o‘simliklarni ko‘rib chiqish. Dixotamik, monopodial, simpodial, soxta dixotamik 
shoxlanishga ega poyalarni topish. Shoxlanish sxemalarini chizish, o‘simliklarga misol keltiradi. 
O‘tchil  va  daraxtchil  o‘simliklar.  O‘tchil  o‘simliklar  bir  yillik,  ikki  yillik  va  ko‘p  yillik 
bo‘lishi  mumkin.  Ko‘pgina  o‘t  o‘simliklarning  yer  ustki  poyalari  bitta  vegetatsiyaga  ega, 
keyinchalik  o‘simliklar  butunlay  yo‘qolar  yoki  yer  ustki  qismi  nobud  bo‘ladi.  Daraxtchil 
o‘simliklar qishda ham nobud bo‘lmaydigan, kuchli yog‘ochlashgan tanaga ega. Ular daraxt va 
butalar  bo‘lishi  mumkin,  o‘tlar,  daraxt  va  butalarning  shoxlaridan  tayyorlangan  gerbariy 
materiallarini  ko‘rib  chiqish.  Daraxt,  buta,  chala  buta,  ko‘p  yillik  va  bir  yillik  o‘tlarning 
chizmasini chizish.