|
4.2 KURS ISHINING ILMIY MAQOLAGA TENGLASHTIRILISHI
Kurs ishi talaba tomonidan mustaqil ravishda bajariladi, bu jarayon, ma’lum ma’noda, ilmiy izlanish olib borishning kichik bir shaklidir. Ayrim iqtidorli talabalar kurs ishini bajarish jarayonida birmuncha chuqur va keng qamrovli ilmiy izlanishlar olib boradilar, ularning kurs ishi mavzusiga mos mustaqil ravishda bajargan ilmiy ishlari talabalar ilmiy to‘garaklarida, ilmiy anjumanlarda va turli tanlovlarda ilmiy ma’ruza qilish uchun asos bo‘lib xizmat qiladi. Talaba tomonidan amalga oshirilgan ilmiy ish belgilangan tartibda ilmiy maqola sifatida rasmiylashtirilib, milliy yoki xorijiy ilmiy jurnallarda chop etilgan hamda kurs ishini himoya qilish bo‘yicha Komissiyaga maqolaning chop etilganligini tasdiqlovchi daliliy ashyolar taqdim etilgan taqdirda, talaba kurs ishini bajarish va himoya qilishdan ozod etiladi, unga kurs ishi himoyasi bo‘yicha ijobiy baho qo‘yiladi. Ilmiy maqolalarga quyidagi umumiy talablar qo‘yiladi: − empirik tadqiqot, nazariy-amaliy-uslubiy tavsiflar, ilmiy adabiyotlar tahlili va sharhini o‘zida tizimlashgan holda mujassam etishi; − xalqaro yirik nashriyotlar yoki ma’lumotlar bazasi materiallaridan iqtiboslar berilishi; − xalqaro ma’lumotlar bazasida impakt-faktorga ega jurnallarda chop etilgan maqolalardan iqtiboslar keltirilishi; − maqola mavzusi (title) qisqa va lo‘nda shakllantirilgan bo‘lib, tadqiq etilayotgan yo‘nalish muammolari va ularning yechimlarini o‘zida aniq ifoda etishi; − maqola annotatsiyaci (abstract) 6-8 qatordan oshmagan holda o‘zbek, rus va ingliz tillarida berilishi; − tayanch so‘zlar (key words) har biri maqola matnida o‘rtacha 4 va undan ko‘p marta takrorlangan bo‘lishi va ular qisqa mazmunda maqola mohiyatini ochib berishga xizmat qilishi; − kirish (introduction) qismida asosan tadqiqot muammosi, uning maqsad va vazifalari yoritilishi, mavzuni tanlashning asosi, uning dolzarbligi va ilmiy ahamiyati yoritilishi (ushbu qismda Prezident asarlari va ma’ruzalariga, farmon va qarorlarga asoslanishi); − mavzuga oid adabiyotlar tahlili (literature review) tadqiq etilayotgan muammo yuzasidan muallifning bilim va tasavvurini namoyon etuvchi qism bo‘lib, tanqidiy tahlil asosida mavzu doirasidagi bilimlarni kuchaytirishi va tadqiqot natijalarini oydinlashtirishi, muammoga daxldor xorij va mamlakatimizda mavjud ilmiy manbalar tahlilini o‘zida aks ettirishi; 18 − tahlil va natijalarda (analysis and results) metodologik yondashuv asosida qator modellar va boshqa usullar tahlili orqali olingan natijalar o‘z aksini topishi, albatta jadval va rasmlar bo‘lishi (jadval nomi uning yuqori qismida, rasm nomi uning quyi qismida yozilishi hamda manbalari aniq ko‘rsatilishi); − xulosa va takliflar (conclusion/recommendations) tadqiqotning asosiy natijalarini, shu bilan birga muammolar yechimi yuzasidan mulohazalarni o‘zida aks ettirishi; − foydalanilgan adabiyotlar ro‘yxati (references) [1], [2] yoki [3] ketmaketligida keltirilishi: muallif (familiyasi, ismi-sharifi), kitob nomi, nashr nomi, nashr etilgan joyi, yili, aynan foydalanilgan betlari; muallif(lar) ismi-sharifi, maqola nomi, jurnal nomi, nashri, yili, soni, aniq betlarining ko‘rsatilishi. Maqolani yozish, rasmiylashtirish va nashrga tayyorlashda shuni inobatga olish lozimki, yuqoridagi talablar yakuniy emas, har bir ilmiy jurnal tahririyati chop etishga taqdim etilgan maqolalar va ularning mualliflariga o‘zining boshqa talablarini ham qo‘yishi mumkin.
XULOSA
Davlatimiz rahbari Shavkat Mirziyoyev Miromonovich tomonidan ilm-fanni yanada rivojlantirish bo'yicha qator tadbirlar va islohotlar amalga oshirilmoqda. Maktabgacha ta'lim muassalari, maktab, oliy o'quv yurtlarida yoshlarning bilim va qarashlarini kengaytirish va yanada takomillashtirish bo'yicha ko'plab harakat qilinmoqda. Shuning bilan bir qatorda Hujjat bilan ishlash bilim ko'nikmalarni oshirish va o’zbek tilini yanada rivojlantirish bo'yicha qaror qabul qildi.
Rivojlanib borayotgan davlatimizga loyiq avlod bo’lish uchun biz hech qachon to’xtab qolmasligimiz kerak. Butun dunyo rivojlanishda oldinlab borayotgan bir vaqtda biz ham davlatimizning kelajakdagi yutuqlariga yordam qo’lini cho’zishimiz zarur. Shu maqsadda har bir shaxs o’z ustida ishlashi, o’qib o’rganishi va har bir xatosidan to’g’ri xulosa chiqarishi lozim. Avval aytib o’tganimdek qaysidir ish ustida Refertat tuzish va uni shakillantirish bu kasb yoki fanning chuqurroq o’rganilishiga olib keladi.
Eng muhimi biz yaratayotgan har bir hujjat imlo xato va boshqa kamchiliklardan tarkib topmagan bo’lishi lozim.Bu referatning tuzilish maqsadi ham shundan iborat edi. Bizning har bir tuzgan, ustida ishlagan va omma etiboriga tadbiq qilgan referatimiz bizga usha ma’lumotlarni miyyamizda uzoq saqlanishiga yordam beribgina qolmay uni haqiqiy hayotda qo’llashga ham undaydi”.
Do'stlaringiz bilan baham: |
