Samarqand davlat chet tillar instituti I. Tuxtasinov, N. Isakulova, B. Kulmatov bolalar pedagogikasi

ILOVALAR
1-ilova

2-ilova
Vazirlar Mahkamasining 2019 yil 13 maydagi 391-son qaroriga
1-ILOVA
Umumiy tipdagi davlat va nodavlat maktabgacha ta’lim tashkilotlari tо‘g‘risida
NIZOM
1-bob. Umumiy qoidalar
1. Ushbu Nizom umumiy tipdagi davlat va nodavlat maktabgacha ta’lim tashkilotlari (keyingi о‘rinda maktabgacha ta’lim tashkilotlari deb ataladi) maqsadlari va vazifalari, huquqlari, majburiyatlari va javobgarligini, shuningdek, ularning faoliyatini tashkil etish tartibini belgilaydi.
2. Ushbu Nizomda quyidagi tushunchalardan foydalaniladi:
maktabgacha ta’lim tashkiloti — umumiy tipdagi davlat yoki nodavlat maktabgacha ta’lim tashkiloti;
davlat maktabgacha ta’lim tashkiloti — davlat tomonidan moliyalashtiriladigan va boshqariladigan hamda Ilk va maktabgacha yoshdagi bolalar rivojlanishiga qо‘yiladigan davlat talablariga muvofiq maktabgacha ta’lim xizmatlarini kо‘rsatadigan tashkilot;
nodavlat maktabgacha ta’lim tashkiloti — qonun hujjatlarida belgilangan tartibda berilgan litsenziya asosida, shuningdek, Ilk va maktabgacha yoshdagi bolalar rivojlanishiga qо‘yiladigan davlat talablariga muvofiq maktabgacha ta’lim sohasida ta’lim xizmatlarini kо‘rsatuvchi yuridik shaxs;
bolaning qonuniy vakillari — bolaning ota-onalari yoki ularning о‘rnini bosuvchi shaxslar.
3. Ushbu Nizom kо‘p tarmoqli ixtisoslashtirilgan maktabgacha ta’lim tashkilotlariga va qо‘shma tipdagi maktabgacha ta’lim tashkilotlariga tatbiq etilmaydi.
4. Maktabgacha ta’lim tashkilotlari о‘z faoliyatini О‘zbekiston Respublikasi Konstitusiyasiga, О‘zbekiston Respublikasining «Ta’lim tо‘g‘risida»gi Qonuniga va О‘zbekiston Respublikasining boshqa qonunlariga, О‘zbekiston Respublikasi Oliy Majlisi palatalari qarorlariga, О‘zbekiston Respublikasi Prezidenti farmonlari, qarorlari va farmoyishlariga, Vazirlar Mahkamasi qarorlari va farmoyishlariga, Ilk va maktabgacha yoshdagi bolalar rivojlanishiga qо‘yiladigan davlat talablariga, ushbu Nizomga va о‘z ustaviga muvofiq amalga oshiradi.
5. Maktabgacha ta’lim tashkilotlari davlat tashkilotlari va nodavlat tashkilotlar bо‘lishi mumkin.
6. Maktabgacha ta’lim tashkiloti vakolatli davlat organi tomonidan attestatsiya asosida qonun hujjatlarida belgilangan tartibda akkreditatsiyadan о‘tkaziladi.
7. Davlat maktabgacha ta’lim tashkiloti yuridik shaxs hisoblanadi, О‘zbekiston Respublikasi Davlat gerbi tasviri tushirilgan va о‘z nomi davlat tilida yozilgan muhrga va shtampga, mustaqil balansga, byudjet va byudjetdan tashqari shaxsiy g‘azna hisobvaraqlariga ega.
8. Nodavlat maktabgacha ta’lim tashkiloti yuridik shaxs hisoblanadi, mustaqil balansga ega, о‘z majburiyatlari bо‘yicha ixtiyoridagi mol-mulk bilan javob beradi, о‘z nomi yozilgan muhr va shtampga ega bо‘lishi mumkin.