Samarqand davlat chet tillar instituti I. Tuxtasinov, N. Isakulova, B. Kulmatov bolalar pedagogikasi

Har bir kichik rivojlanish sohasi bо‘yicha kutilayotgan kо‘rsatkichlari

№	Bolalarni rivojlantirishning asosiy sohasi	Kichik rivojlanish sohalari
1.	Jismoniy rivojlanish va sog‘lom turmush tarzining shakllanishi	yirik motorika mayda motorika sensomotorika sog‘lom turmush tarzi va xavfsizlik
2.	Ijtimoiy-hissiy rivojlanish	«Men» konsepsiyasi hissiyotlar va ularni boshqarish ijtimoiylashuv, kattalar va tengdoshlar bilan muloqot
3.	Nutq, muloqot, о‘qish va yozish malakalari	nutq va til о‘qish malakalari qо‘l barmoqlari mayda motorikasi
4.	Bilish jarayonining rivojlanishi	intellektual-anglash malakalari elementar matematik malakalar tadqiqiy-bilish va samarali refleksiv faoliyat
5.	Ijodiy rivojlanish	dunyoni badiiy tasavvur etish badiiy-ijodiy qobiliyatlar

Kichik yoshdagi bolalarni tarbiyalash jarayonida quyidagi asosiy tamoyillar belgilandi:

har bir bolaning noyobligi;
«Men» konsepsiyasi – bolaning о‘zi tо‘g‘risidagi aniq tasavvurlar tizimining qо‘llanilishi;
bolaning huquqlarini himoya qilish va ta’minlashning muhimligi;
bola tarbiyasi va rivojlanishida kattalarning asosiy roli;
har bir bolaga individual variativlik asosida yondashish.
Hujjatning amal qilishi barcha davlat va xususiy maktabgacha ta’lim muassasalari, shuningdek maktabgacha yoshdagi guruhlari mavjud bо‘lgan «Mehribonlik» uylariga tatbiq etiladi. Hujjat bilan belgilangan talablarga maktabgacha ta’lim turlari uchun kadrlar tayyorlovchi oliy ta’lim va о‘rta maxsus, kasb-hunar muassasalari, ularning malakasini oshirish va qayta tayyorlash muassasalari, shuningdek maktabgacha yoshdagi bolalar tarbiya olayotgan oilalar ham rioya qilishlari shart [22].