Samarkand iktisodiyot va servis instituti

Ўкув фанининг мақсад ва вазифалари

Инглиз тили фанининг мақсади талабаларнинг кўп миллатли ва маданиятли дунёда касбий, илмий ва маиший-соҳаларда фаолият юритишларида коммуникатив компетенция ва унинг таркибий қисмлари ҳисобланувчи лингвистик, социолингвистик, прагматик ва бошка компетенцияларини шакллантиришдан иборат. Магистратура босқичида чет тилларидан таълим бериш магистратура босқичи талабаларида чет тиллари ёрдамида матнни таҳлил килиш, огзаки нутқни тушуниш, умумгуманитар характерга эга бўлган, ижтимоий-сиёсий характердаги ва мутахассисликка оид адабиётларни таржимасиз ёки таржима қилиб улардан ахборот олиш, ахборот алмашиш кобилиятларини ривожлантиради.

Фаннинг вазифалари:
- оғзаки нутқий компетенцияни ривожлантириш;
- оғзаки ва ёзма нутқда сохавий терминларни самарали қўллаш
кўникмаларини шакллантириш;
- ихтисосликка оид матн туза олиш, уни тахрир ва таҳлил қила олиш малакаларини хосил қилиш;
- касби ва илмий иши тўғрисида чет тилида гапира олиш малакаларини
ҳосил қилиш.


Чет тилларни билишда талабаларнинг билим, куникма ва малакаларига куйиладиган талаблар:
- талаффуз қоидаларига риоя қилиш;
- асл чет тилидаги мутахассислик бўйича ҳамда ижтимоий-сиёсий
адабиётларни эркин ўқий ва тушуна олиш;
-луғат ёрдамида туб чет тилидаги мутахассислик бўйича адабиётларни таржима қилиш, мутахассислик ҳамда ижгимоий-сиёсий адабиётлар бўйича рефератлар ва аннотациялар тузиш;
- мутахассислик бўйича адабиётларда учрайдиган грамматик конструкцияларни билиш;
- чет тилида эркин гапира олиш;
- мутахассислик ҳамда ижтимоий-сиёсий масалалар бўйича суҳбат олиб
бора билиш;
- касбий терминалогияни, оғзаки ва ёзма нутқ хусусиятларини билиш
ва улардан фойдалана олиш:
- ўз сохаси доирасида хорижий тилда фикр ифодалай олиш, илмий
техник адабиётлардан фойдалана олиш кўникмасига эга бўлиши керак.