Самарқанд иқтисодиёт ва

Ҳарбий-сиёсий вазият билан боғлиқ хатарларни баҳолаш, уларни бартараф қилиш айниқса лойиҳага чет эл инвестициясини жалб қилиш учун муҳим аҳамиятга эга. Чунки чет эллик инвестор сиёсий барқарор бўлмаган мамлакатга ўз мулкини шунчаки ташлаб кетгиси келмайди. У ҳар бир сўм қўйган инвестициясидан катта фойда олишни кўзда тутиб иш кўради. Кўзланган фойдага эса тинч ва осойишта мамлакатдагина эришиш мумкин.
Мазкур гуруҳ хатарларга:

• 
  мамлакат жойлашган худуднинг (масалан Ўзбекистон учун Марказий Осиёнинг) тинчлиги;
  
• 
  мамлакатда олиб борилаётган ҳарбий старатегик сиёсат;
  
• 
  божхона сиёсати;
  
• 
  солиқ сиёсати;
  
• 
  миллий валютанинг ташқи ва ички конвертацияси;
  
• 
  иқтисодий ва молиявий беқарорлик;
  
• 
  қонунчилик сиёсати;
  
• 
  бюджетнинг тахчиллиги;
  
• 
  суғурта сиёсати;
  
• 
  ижтимоий сиёсат;
  
• 
  мамлакатнинг ички ва ташқи сиёсати;
  
• 
  хом ашё, меҳнат ва бошқа моддий ресурсларга бой ва ночорлик кабилар билан боғлиқ хатарлар киради. Бу хатарларни бартараф қилиш асосан давлат зиммасидадир.
  

Иқтисодий вазият ва ижтимоий аҳвол билан боғлиқ хатарлар бевосита ҳарбий-сиёсий вазиятда пайдо бўладиган хатарларга боғлиқ. Бундай хатарлар жумласига яна:

• 
  мамлакатдаги аҳолининг камбағаллик даражаси;
  
• 
  мамлакат аҳолисининг саводхонлик даражаси;
  

222

• 
  аҳолининг қонунни билиши, шу соҳа бўйича саводхонлиги ва маданияти;
  
• 
  иқтисодий ўсишнинг барқарорлиги ёки беқарорлиги;
  
• 
  нархнинг ўзгариши, инфляция даражаси;
  
• 
  эҳтиёжга нисбатан иш ҳаққининг миқдори;
  
• 
  иш кучининг баҳоси кабилар киради.
  

Ушбу гуруҳ хатарлари келтирилган рўйхат билан чекланиб қолмайди. Жамиятнинг янгиланиши,иқтисодий вазиятларни кескин ўзгартириб, иқтисодий муносабатларни такомиллаштириб бормоқда. Шу аснода иқтисодиётнинг хатарлик ва хатарсизлик даражаси, унинг шакли ва мазмуни ҳам тез ўзгариб турмоқда. Шу туфайли таҳлил пайтида аниқ лойиҳадан, аниқ худуд ва аниқ иқтисодий вазиятдан келиб чиқмоқ лозим.