Самарқанд иқтисодиёт ва сервис институти

ИНВЕСТОР
– маблағини молиявий қўйилма сифатида фойда олиш мақсадида 
сарфловчи шахс. 
ИНФЛЯЦИЯ
– ҳақиқатда таклиф этилаётган товарларга нисбатан анча кўп 
миқдорда қоғоз пулларнинг муомалага чиқарилиши. Баҳоларнинг умумий узоқ вақт 
ошиб бориши ва ҳақиқий меҳнат ҳақининг ошиб бориши билан кузатилади. Олтин 
бозор баҳосини ошиши, ҳаёт қиймати, валюта курсининг ўзгаришлари ҳам инфляция 
оқибатидир. 

---

414 
ИНВЕНТАРИЗАЦИЯ
- корхонага тегишли бўлган барча асосий воситалар, 
инвентарлар, маблағлар ва бошқа моддий бойликларнинг ҳақиқатда мавжудлиги 
билан бухгалтерия ҳисоби маълумотларини солиштириш ва текшириш усули. 
Инвентаризация ўтказилишидан асосий мақсад бухгалтерия ҳисоби кўрсаткич-
ларининг 
хаққонийлигини 
ва 
мулкнинг 
сақланишини 
таъминлашдир. 
Инвентаризация объекти бўлиб қуйидагилар ҳисобланади.
ИНВЕНТАР КАРТОЧКАЛАР
- асосий воситалар (фондлар)нинг ҳисоби учун 
мўлжалланган ҳисоб регистрининг шакли. Инвентар карточкалар ҳар бир объект 
хўжаликка келтирилганда тузилади. Инвентар карточкалар объектларнинг ҳар бир 
тури бўйича алоҳида олиниши мумкин. Карточкада инвентар объекти тўғрисидаги 
ҳамма керакли маълумотлар акс эттирилади: унинг номи, амортизация ажратмаси 
миқдори, шунингдек, капитал тиклаш, жиҳозлар, бутлаш ва ҳисобдан чиқаришлар 
ҳам акс эттирилади. 
ИНКАССА (лат. incasso) 
- тўлов ҳужжатларини кўрсатиб пул олиш. Тўлов 
ҳужжатлари асосан, банк томонидан кўрсатилади. Харидор ва мол етказиб 
берувчилар ўртасидаги ҳисоб-китоб нақд пулсиз олиб борилади, демак, банк пулни 
инкасса орқали олар экан, улар ўртасидаги ҳисоб-китобни (счетдан ҳисобга маблағ 
ўтказиш) бажариш вазифасини олади.
ИМТИЁЗ
- маълум бир мажбуриятларни бажаришдан қисман озод этиш. 
Масалан, солиқлар бўйича бериладиган имтиёзлар ҳозирги кунда республика-мизда 
хусусий корхоналар, ҳунармандчилик билан шуғулланадиган шахслар ва қишлоқ 
хўжалик маҳсулотлари ишлаб чиқарадиган корхоналарга белгиланган тартибда 
даромад солиғи тўлаш бўйича имтиёзлар берилган. Имтиёзларнинг берилишдан 
асосий мақсад шу соҳаларни ривожлантириш ва аҳолини ижтимоий ҳимоялаш 
ҳисобланади. 
ИМПОРТ
- давлатнинг ички бозорига хориждан, технология ва капиталларни 
сотиш ва улардан фойдаланиш учун товарларнинг келтирилиши, шунингдек, 
хорижий ҳамкорлардан ишлаб чиқариш ёки истеъмол характеридаги хизматларнинг 
бепул олиниши.