Самарқанд иқтисодиёт ва сервис институти

Фаннинг мақсади ва вазифалари

«Туризм ва меҳмонхона хўжалигида бухгалтерия ҳисоби ва аудит» фанининг асосий мақсади бўлиб бакалаврларни туристик фирма ва меҳмонхона хўжаликларида бухгалтерия ҳисоби ва аудитнинг моҳияти, предмети, объектлари, усул ва услублари, тамойиллари билан чуқур ва ҳар томонлама таништириш ҳисобланади.

Ушбу фаннинг асосий вазифалари талабаларга туризм ва меҳмонхона хўжаликлари активлари, мажбуриятлари, хусусий капитали, молиявий натижалари кўрсаткичлари ҳисоби ва аудитининг назарий асослари бўйича билимларни ва кўникмаларни беришдан, уларда етарли амалий тажрибаларни шакллантиришдан иборатдир.
«Туристик фирма ва меҳмонхона хўжалигида бухгалтерия ҳисоби ва аудит» фани бўйича бакалаврлар қуйидаги тушунчаларга эга бўлишлари лозим:

• 
  «Туристик фирма ва меҳмонхона хўжалигида бухгалтерия ҳисоби ва аудит» фанининг предмети, объекти ва вазифалари; бухгалтерия ҳисобини ташкил қилиш тамойиллари; Туристик фирма ва меҳмонхона хўжаликларида бухгалтерия ҳисобини юритиш тартиби;
  
• 
  туристик фирма ва меҳмонхона хўжаликларида хўжалик жараёнлари ва уларни ҳужжатлаштириш; туристик фирма ва меҳмонхона хўжаликларининг маблағлари ва уларнинг ташкил топиш манбалари ҳисоби; бухгалтерия ҳисоби счётлар тизими; молиявий натижаларнинг шаклланиш тартиби; молиявий ҳисоботларнинг турлари; ишлаб чиқаришни иқтисодий самарадорлик кўрсаткичлари якунига баҳо бериш ва аудиторлик текширувига тайёрлаш; туристик корхоналар иқтисодий салоҳиятини баҳолаш; электрон ҳисоблаш машиналари (компьютер воситалари)ни таҳлил ва аудит жараёнида қўллаш ҳақида тасаввурга эга бўлиши;
  
• 
  туристик фирма ва меҳмонхона хўжаликлари ҳисоб сиёсатини; туристик фирма ва меҳмонхона хўжаликларида бухгалтерия ҳисобини ташкил қилиш асосларини; туристик фирма ва меҳмонхона хўжаликларида бухгалтерия ҳисобининг усулларини; туристик фирма ва меҳмонхона хўжаликлари активлари ва пассивлари ҳисобини; харажатлар таркиби ва маҳсулот таннархни; даромадлар ҳисобини; фойда ва зарарлар ҳисобини; хусусий капитал ва мажбуриятлар ҳисобини; молиявий ҳисоботларни тузиш тамойилларини; турли мулкчилик шаклида туристик фирма ва меҳмонхона хўжаликларини тўғри бошқаришда аудитнинг ролини; аудитнинг асосий тамойилларини; аудитнинг асосий вазифаларини; аудитнинг усулларини; аудитда фойдаланиладиган ахборот манбаларини; хўжалик фаолиятини ифодаловчи кўрсаткичларни таҳлил қилиш ва аудитин ўтказиш усулларини ; аудит натижаларини умумлаштириш ва раммийлаштиришни билиши ва улардан фойдалана олиши;
  
• 
  туристик фирма ва меҳмонхона хўжаликларида бухгалтерия ҳисобининг усулларидан фойдаланиш; туристик фирма ва меҳмонхоналарнинг маблағлари ва уларнинг ташкил топиш манбалари ҳаракатини бухгалтерия ҳужжатларида акс эттириш; туристик фирма ва меҳмонхона хўжаликлари молиявий натижасини аниқлаш ва ҳисобини юритиш; туристик фирма ва меҳмонхона хўжаликлари балансини тузиш; молиявий ҳисобот маълумотларига таъсир этувчи омилларни таҳлил қилиш; аудит жараёнида керак бўладиган манбалар ҳажмини аниқлаш, тўплаш, уларни тўғрилигини текшириш, қайта ишлаш, таҳлил этиш ва аудитга мослаштириш; аудит натижаларини умумлаштириш ва расмийлаштириш; аудит натижасида ҳисобот ва хулоса тайёрлаш кўникмаларига эга бўлиши керак.