Самарқанд давлат университети ҳузуридаги илмий даражалар берувчи dsc

 
7 
Диссертация тадқиқотининг диссертация бажарилган олий таълим 
муассасасининг илмий-тадқиқот ишлари режалари билан боғлиқлиги.
Диссертация тадқиқоти Урганч давлат университети илмий-тадқиқот иш-
ларининг 2016-2020 йилларга мўлжалланган “Илмий тадқиқот фаолиятини 
ривожлантириш ва илмий салоҳиятини оширишга йўналтирилган комплекс 
чора-тадбирлар дастури” доирасида бажарилган. 
Тадқиқотнинг мақсади
Ўзбекистонда демократик давлат ва фуқаролик 
жамияти қуриш, иқтисодиётни либераллаштириш жараёнида аёллар тадбир-
корлигининг моҳияти ва мазмуни, имманент хусусиятлари ҳамда ижтимоий 
аҳамиятини фалсафий асослаш. 
Тадқиқотнинг вазифалари
: 
“Аёллар тадбиркорлиги” тушунчасига таъриф бериш ва тавсифлаш; 
аёллар тадбиркорлигининг мазмуни ва шакллари, сабаб ва оқибатлари, 
структураси ва функцияларини очиб бериш; 
аёллар тадбиркорлигининг имманент белгиларини ишлаб чиқиш; 
иқтисодий демократия ва унинг “ўзбек модели”да тутган ўрнини 
аниқлаш; 
аёллар тадбиркорлигини ривожлантиришнинг иқтисодий, ҳуқуқий, 
ташкилий омилларини такомиллаштириш; 
оилавий тадбиркорликнинг генезиси, эволюцияси ва истиқболларини 
кўрсатиш; 
аёллар тадбиркорлигининг миллий-маънавий ва ахлоқий хусусиятларини 
очиб бериш;
ўзбек тадбиркор аёлининг ижтимоий портретини яратиш ҳамда 
ишбилармонлик фазилатларини асослаш; 
Ўзбекистонда аёллар тадбиркорлигини ривожлантириш истиқболлари 
бўйича илмий асосланган тавсиялар ишлаб чиқиш. 
 
Тадқиқотнинг объекти
Ўзбекистонда иқтисодий демократиянинг 
ривожланишига ҳисса қўшаётган аёллар тадбиркорлиги ташкил этади.
Тадқиқотнинг 
предмети
аёллар 
тадбиркорлигининг 
имманент 
белгилари, ижтимоий-ҳуқуқий ва мулкий асосларини аниқлашдан иборат. 
 
Тадқиқот усуллари. 
Диссертацияда тарихийлик, анализ ва синтез, 
комплекс ва тизимли ёндашув, контент анализ, ретроспектив таҳлил, 
оммавий сўровнома (анкета), индукция ва дедукция каби усуллар қўлланган.