Самарқанд давлат университети ички тартиб-қоидалари самарқанд 2020

 
6. Талабаларни ўқиш ва жамоат ишларидаги
ютуқлари учун рағбатлантириш. 
6.1. Талабалар ўқишда юқори кўрсаткичларга эришганлиги, илмий тадқиқот 
ишлари ва университет ижтимоий ҳаётида фаол иштироки учун қуйидаги 
тартибда рағбатлантирилади: 
- ташаккур эълон қилиш; 
- стипендияга қўшимча белгилаш ёки мукофотлаш; 
- фахрий ёрлиқ ёки қимматбаҳо совға билан тақдирлаш. 
6.2. Рағбатлантириш университет Ёшлар иттифоқи бошланғич ташкилоти, 
хотин-қизлар қўмитаси, бошланғич касаба уюшмаси қўмитаси томонидан ёки 
уларнинг тавсиялари асосида ректор буйруғига мувофиқ амалга оширилади. 
6.3. Рағбатлантиришга тегишли маълумот ва буйруқдан кўчирма талабанинг 
шахсий ҳужжатлари тўпламида сақланади. 
 
7. Интизомий таъсир чоралари. 
7.1.
 
Талаба ўзига юклатилган юқоридаги мажбуриятларни бажармаган ҳолларда 
унга нисбатан қуйидаги интизомий жазо чоралари кўрилади: ҳайфсан берилади, 
талабалар сафидан четлатилади.
Талаба узрсиз сабаблар билан 18 соат дарс қолдирганда огоҳлантирилади ва 32 
соат узрсиз сабаблар билан дарс қолдирганда ҳайфсан эълон қилинади. 
Талаба олий таълим муассасасидан қуйидаги ҳолларда четлаштирилиши 
мумкин: 
а) ўз ҳоҳишига биноан; 
б) ўқишининг бошқа таълим муссасасига кўчирилиши муносабати билан; 
в) саломатлиги туфайли (тиббий комиссия маълумотномаси асосида); 
г) ўқув интизомини ва олий таълим муассасасининг ички тартиб-қоидалари 
ҳамда одоб-ахлоқ қоидаларини бузганлиги учун;
д) бир семестр давомида дарсларни узрли сабабларсиз 74 соатдан ортиқ 
қолдирганлиги сабабли;
е) ўқиш учун белгиланган тўлов ўз вақтида амалга оширилмаганлиги сабабли 
(тўлов-контракт бўйича таҳсил олаётганлар учун);
ж) талаба суд томонидан озодликдан маҳрум этилганлиги муносабати билан;
з) суд қарорига кўра кириш имтиҳонларида белгиланган тартибни бузганлиги 
аниқланганда (ушбу ҳолатда талабалар сафидан четлаштирилган талабалар сафига 
қайта тикланмайди); 
и) вафот этганлиги сабабли. 

---

28 
7.2. Олий таълим муассасаси маъмурияти ташаббуси билан талабаларни 
ўқишдан четлаштириш бошланғич касаба уюшмаси қўмитасининг ёзма 
розилигини инобатга олган ҳолда (касаба уюшмаси аъзоси бўлган талабалар учун) 
амалга оширилади. Шунингдек, талаба мазкур қоидаларнинг 7.1-банди “д” кичик 
бандига кўра четлаштирилаётган ҳолда, университетининг Ёшлар иттифоқи 
бошланғич ташкилоти билан ҳам келишилиши мумкин. 
7.3. Интизомий жазога тортилган талаба ўзига қўлланилган жазо чорасининг 
қонунийлиги ва адолатлилиги юзасидан қонун ҳужжатларида белгиланган 
тартибда шикоят билан Ўзбекистон Республикаси Олий ва ўрта махсус таълим 
вазирлигига ёки суд идораларига мурожаат этиши мумкин.
7.4.